Nijirya
Nijirya tga yat tmazirt d yuckan ɣ ifttasn n utaram n Tfriqt, tg yan mani ɣ illa yan umnyanaw n trakalt d ungigt nns ar ijgugul gr wad isɣrn ar wad iggundan da ittilin ɣ imisi n ukwatur, d mad gis imyanawn akkʷ uggar gant t tutlayin da gis ttmsiwilnin utint yat tmiḍi ɣ wuṭṭun zun d Igbu d Uhawsa d Yuruba d Idu d Tnglizt da as igan tutlayt tamaddudt., tamazirt ad tɣʷi yan wakal n 923,768 km², tg Abuja tamaẓunt nns tasrtant, tamazirt ad daɣ tlla dars yat tawant n isugam igamann, slawan akkʷ abiḍṛul d sbiritu.[1]
Nijirya | |||
---|---|---|---|
Nijeriya Naigeria Nàìjíríà | |||
| |||
Tamssugurt | |||
Tanbaḍt | république fédérale | ||
Anssixf n uwank | Bola Tinubu | ||
Tamaẓunt | Abuja | ||
Tutlayin timaddudin | Taglizit | ||
Tarakalt | |||
d | |||
Tajumma | 923768 km² | ||
Iwtta d | Benin, Nnijr, Ččad, Kamirun d Sao Tomé-et-Principe | ||
Tadimugṛafit | |||
Imzdaɣn | 211 400 708 imezdaɣ. (Yunyu 2021) | ||
Umlan yaḍnin | |||
Akud adigan | AMS+01:00 d Afrique/Lagos | ||
Internet TLD | .ng | ||
Tanglt n utilifun | +234 | ||
Adrim | Naira | ||
nigeria.gov.ng |
Ur tgi Nijirya ɣar yan uwank imqqurn ɣ twaḍfa nns hlli, maccan tga nit daɣ tamazirt n ifriqya da ɣ akkʷ ggutn imzdaɣn, ssurfn gis 228 n umlyun yan.[1]
Amzruy ssnfl
Gr tasut tis smmust izwarn talalit d tis snat iḍfaṛn talalit n Yasuɛ, azaɣar n Jus rad gis tzilliz tɣrma n Nuk. Yuruba igan tiɣrmt tafuẓaṛt rad tɣʷi f tsrtit n tsgiwin ad ɣ gr tasut 12 d 15 n tlalit, ɣ tzwiri n tasut 19, tamtti tanslmt n Wusman rad tnru Ihawsawiyn, tg tirsal n yat tgldit tafidiralt tama n Sukutu. Inglizn rad zmn f tmazirt, zlun Laguṣ ɣ 1861, nrun ɣwilli mi ttinin Yuruba, kcmn iẓẓlmḍ n tmazirt ɣ 1900. Tidrfit n tmazirt sɣ ukumnwilt rad tettyaway ɣ usggʷas n 1960, kṛaḍ isggʷasn sul rad nit tlul tagduda n Nijirya.[1]
Middn ssnfl
Tamazirt n Nijirya gis ma yutin snat tmaḍ n titniwin, iẓẓlmḍ idus gis usgd n lislam imil ɣ iffus takristyant d unimanizm ad gis ittyafan uggar.
Llant kṛaḍt tgrummawin wala ssugrnin ɣ tmazirt ann ad tnt igan d Hawsa-Fulani d Yuruba d Igbu.[1]
Tadamsa ssnfl
Tafllaḥt tɣʷi sul 40% n kullu tadamsa n tmazirt, gis tayrza n isngar d lbanan d ṛṛuẓ d kakaw d taḍuḍt, taysa tlla bahra ɣ ugafa, imma imɣuzn ggrgsn s uzzal d trgin d zzng, Nijirya tga daɣ yan umsifḍ issugrn n ubiḍṛul is ka sin f kṛaḍ n Inijiriyn ddrn ddu aḍṛf n uẓlaḍ.
Nayra ad igan ism n uqaṛiḍ n tmazirt n Nijirya.
Tisuɣal ssnfl
- ↑ 1,0 1,1 1,2 et 1,3 Sɣ dar Britannica