Ɛumar Brɣut

Naṣiṛi Ɛumar Brɣut u Muḥmmad iga yan mafawal, ig yan ɣ inbdadn n ubaraz n umarg n Tclḥit d yan unmɣur n usays, ilul d ɣ usggʷas 1949 ɣ yan usun mi ttinin Axxuyn, ɣ tqbilt n unẓuḍt, tasga n Cicawa. Ayad ɣ ugʷns n yat twja n inḍḍamn, acku babas zzaɣd ntta ikka tt inn iga yan unḍḍam.

Ɛumar Brɣut
Tawlaft n unaẓuṛ
Tudrt nns
Azmz n tlalit :	1949
Aḍɣar n tlalit :	Axxuyn, Unẓuḍt
Azmz n tmttant :	-
Tawwuri
Anḍḍam ɣ isuyas, mafawal

Yili unḍḍam ad yat tflsuft d yat tanila n iẓṛi ẓlinin srs ɣammas n umarg da yakka, ar isawal f tudrt n ufgan d ddunit d turmitin nns, ɣmklli aɣ ifka gigan d isisfiwn f ma izrin ula mad d ikkan amnid, ig yan umdyaz da ittggan amarg f usqqul nns d wasif nna d yusi ɣ umarg ar t ittini s yat tɣarast imuccdn, ar daɣ ittidir tamdyazt nns ngras d ugayyu nns, ilint nit kra n tikkal ɣ ar iskar amunulug (imrara awal d ixf nns) zun d ɣ tqṣiḍt n Lhm (Anzgum).

Amarg ns

Ur rad iẓḍaṛ yan ad yurdu ɣ tgrdi n Ɛumar Brɣut ɣ ifi n wawal, ad ig ɣ umdya tqṣiḍt n Lhmm da ɣ isawl f unzgum d mas d ku d yan d ku d maɣ illa iman ha nn illa s unzgum ns, ukan ar issyafa ufgan is d ɣar anzgum ns ntta ka ad iggutn uggar n mddn yaḍnin, ar issyafa is d ntta ka f illa unukmu, ar issyafa is d ntta ka ad ittyulkan, ukan ɣunck ann a f inna unḍḍam ad mad d ihwan:

Zayd a anzgum bḍu didi lkm mani k iran

Is nga axzan nk ad gigi tkllat ad tnssat

Zun d iɣ d nkki ka ad dar mani ɣ ad ttilit

Inna iyi: mlat iyi dar mit ad tn ṛuḥaɣ

Ira ad kn flɣ, ur rad dark nsu ula aman

Ula ggiwraɣ tama nk iɣ iyi tṛmit

Nniɣ as: Ẓṛ wanna dar mlyar ula sin

Illa ɣinn mad d ttlhut, yili mad ak yakkan

Inna iyi uhu, ur ta jju tufit adɣar ann

iɣ illa uqaṛiḍ tama nk, ra srnɣ iluḥ

Hiyya imisi n lbaṛ maɣ rad iyi nn iffal

Nniɣ as: ẓṛ wanna dar ur imnsi n yiḍ

Ntta ka ad isalan ad dik yaṭṭu tisummar

Inna iyi: uhu ur ta jju tufit adɣar ann