Aɣʷẓn n Frankncṭayn

Aɣʷẓn n Frankncṭayn niɣ d Afɣul n Frankcnṭayn iga yan uwrik amarur iẓẓmawn bahra ittyawssann ɣ umaḍal, ig tirmt i mnnawt n umiyyn d waflamn (tassfifin) n tawda, infalal-d (iḍhṛ) uwrik-ad ɣis izwarn ɣ umiy n Mariy Cilliy da ittyawfsarn ɣ usggʷas 1818.

Afɣul n Frankncṭayn (1964)

Atkur n umiyy

Ar ssutuln yimjṛitn n umiyy f yan umassan Aliman bahra icaṭṛn, ism-as "Vikṭur Frankncṭayn" ira ad daɣ irar tudrt i ɣwilli mmutnin, bac ad ismd lɣrd nns ismun kra n id miḍṛuṣ isggm gisn yat tfkka, issxdm ilmma attrisinti bac ad gi-s ig tudrt. Afɣul-ad, ɣikad ixʷcn wudm nns, tfrɣ tɣssa nns, ikka tt inn ɣ tzwiri n tudrt nns iga ɣar yan ddriwc, ifulls, macc ur ifulki ɣaylli as skarn mddn, iɣama lhic-ann waḥdu t tkk fllas twlawalt. Iftu nn dar Frankncṭayn (walli t-ixlqn) issutr as ad as iskr yat twtmt tkks as taɣufi nns, macc yugi as Frankncṭayn tutra nns ɣayad isxrtm (isɣiyyr) nit aɣʷẓn lli, s lḥsift da gi-s infdn rad sul inɣ Frankcṭayn d tmɣart nns d gʷmas d ugmatmddakkl nns.