Tutlayt Taclḥit: Amzaray ngr tunɣilin

Tikklt tamzwaurt (nna nssn) ɣ tettubdar tguri a ɣ kra n udlis tga tt ɣ udlis n ''-{Luis del Mármol Carvajal}-'' nna yura f tfriqt, inna gis aya: «-{ ''[...] dans Maroc et dans toutes les provinces de cet Empire, aussi bien que parmi les Numides et les Getules qui font vers l’occident, on parle la langue africaine pure, qu’on nomme Chilha et Tamazegt, noms fort anciens.'' }-»<ref>-{Perrot d'Ablancourt 1667: 92-93.}-</ref>. s taclḥit: « ''[...] Ɣ Lmɣrib ula ɣ tisgiwin akkʷ n Umnkud ad, ula gr Inumidiyn d Igituln lli d ikkan tsga n utaram, ar sawaln yat tutlayt tafriqt tazddagt, nna mi aqqran Cclḥa d Tamazigt, ismawn ad gan bahra iqburn.'' ». Maṛmul da ittini mas gan ismawn ad s sin iqburn macc ur dars ma s rad inbḍ f uwtay n yism. Talɣa n yism ''Ccelḥa'' tuman is tga taɛṛabt, aya a f ur nẓḍaṛ ad nawi abdar ad amzun d wanẓa is yad illa ism ad ɣ tutlayt n ayt unẓul amɣribi.

Iznaɣritn /w/ d /y/ lan imsliḍn inaɣritn ''u'' d ''i'' gr trgalin (C_C) d gr trgalin d tirisa (C_# d #_C). S tmamkt immrwasn, ẓḍaṛn iɣritn urgiln /u/ d /i/ ad ilin imsliḍn uraglann ''w'' d ''y'' bac ad anfn i tilɣit. Aya a f llan, ɣ umata n tantlayin<ref>Tamzarayt n Igcan, imkn d tiyyaḍ, ɣ kigan n tkkal ar ttarint iznaɣritn inṣliyn (Galand 1988, 2.9). Nẓḍaṛ daɣ ad nẓṛ aya awd ɣ iḍṛiṣn n warratn izratrarn (van den Boogert 1997:249).</ref>, ɣ yan ubṭṭu ansmad d iɣritn urgiln, iznaɣritn ittilin amzun d 'Onset' nɣ 'Coda', d iɣritn urgiln amzun d 'nucleus' ɣ kra n tfrit. Abṭṭu ad ajumman n iznaɣritn d iɣritn urgiln da irggs aẓayr nnsn amzun d kkuẓ ifunimn nna naḥya, ilin akkʷ kra n imsnilsn lkmn gis ad kksn aẓayr imslican i /w/ d /y/<ref>Applegate (1958), Dell & Elmedlaoui (1985, 2002), Ridouane (2008).</ref>.