Tusnakt: Amzaray ngr tunɣilin

'''Tusnakt''' gan tt tussniwin timdwanin igan tayafut n tsɣẓan timẓẓulin mi ittug usnas f tɣawsiwin imyallan zun d imḍann, unuɣn, tuskiwin d ismuttuyn. tga tusnakt, igr n urzzu isbuɣlun tussniwin ad, d ula iẓli tnt isslmadn.

 

 

Tmyalla tusnakt f tmassanin yaḍn s uzday nns war anaw d tilawt acku ur ar gis tettusmras tamawt d waram f tɣawsiwin tigamanin. Tga tusnakt tamdwant (tin twngimt) s uɣrud nns, iddɣ tɣsr f igjda mi nttini timidiyin (anamk nns mas ur zrin igjda ad ɣ waram, waxxa aha ttyafrakn) nɣ f tndagin ittwadggan ar kra n tizi yaḍn. Ar tzrri tinawt tamusnaktt nna mi ttinin, addag tzri, askkud, tasumrt, tamnzut,… kudnna iḍfr inaw tt issɣsrn d nna d issufɣn tidt nns ka n tuskiwt taɣẓnant mi nttini tasɣẓnt, nɣ askan amẓẓul. Tinawt nna idusn , maka ur ta d iffiɣ is tga tidt, ar as nttini turda.