|
=== Ayyaw izwarn : tagḍwit niɣ tazwurt ===
Tazwurt n umgrad n Wikipidya niɣ tagḍwit iga ayyaw amzwaru nna ittilin dat n [[taflwit n tumayin]]. Anrzif n Wikipidya ar izzruy ɣir imikk n tusdidin.<ref>Inrzifn n Wikipidya ar gis zzruyn 3 n tusdidin d 51 n tsint : https://www.lesechos.fr/2007/02/7971000-visiteurs-uniques-se-sont-connectes-sur-wikipedia-en-france-au-mois-de-janvier-523082</ref> Tagḍwit tga askkin amzwaru lli ra iɣr, d kra n tikkal tagḍwit waḥdu tt ad yaqqra. Tagḍwit ar tmmal i unrzif n Wikipidya mad istuhmman ɣ imrsi n umgrad.
Tazwart n kra n warra ɣ wikipidya iga tt aḍris akkʷ gis izwarn. ar akkʷ sis addan warratn n wikipidya. tga yan wanaw n iḍrisn ilan bahra atig ɣ ammas n warratn, wala ɣ tnsiklubidiyt s umata.
Tagḍwit ixṣṣa tt ad ttyara s yat tɣarast ifsusn. Tutlayt nns ur ixṣṣa ad tcqqu zund ɣ wayyawn ann yaḍn lli iḍfarn. Tagḍwit tgzzul, ar tsmuna kullu mad ittubdarn kraygat wayyaw. D ixṣṣa ad tzzigzul amgrad ɣmklli iga ɣ wayyan nns. Iɣ llan sin wayyan, ixṣṣa azgn (1/2) n tgḍwit ad ig f wayyaw amzwaru d uzgn (1/2) yaḍnin ad ig f wayyaw wiss sin. Tagḍwit ur tḥtajja ma st ittsmadn. Ur tḥtajjat ad tsmdt tiɣri fad ad trmst imrsi n umgrad. Tigira n umgrad d wayyan yaḍnin ar sfruruyn imrsi, ar akkan uggar n ifruritn (détails).
Ixssa tt ad tettyara s yat tutlayt irxan, uggar n ɣaylli tt iḍfarn, fad ad trxu f ku yan, slawantt walli ur issinn i umawal iẓlin n tmaziɣt, d ur igi amussn ɣ sujet.
Iɣ ittubdar uzwl n umgrad ɣ tgḍwit ixṣṣa ad t tarat s tirra izurn.
Tazwart tga daɣ azgzl, ur ixssa ad yili kra ɣ ugʷns n warra bla yad ittyawbdar s uzgzl ɣ tzwart. d ixssa aylli d iwint tgʷzmin n ugʷns n warra ad ittyawbdar s unck lli gis lant. ad bahra ur tadd tzwart f kra n Tɣawsa ur bahra ilin atig ɣ sujet ; ad ur ig uzgn n tzwart f kra n tgzzumt ur yumiẓn 1/4 (afkuẓ) n ugnsu, s umdya. tazwart tga talmrit n ugnsu. tga yat tunɣilt mẓẓin n warra ; mini–arra.
Amdya:<blockquote>'''Numidya''' (s tlatint: ''Numidia'') tga yat tgldit [[Imaziɣn|tamaziɣt]] taqburt. Tlla ɣ [[Tafriqt n ugafa|iẓẓlmḍ n Afriqya]]. Tbda ɣ umzwaru ɣ tmazirt n [[Dzayr]], tmutti s lqbt s tmizar n [[Tuns]] d [[Libya]]. Tbḍa yadlli f snat tqbilin: imasiliyn d imasisiliyn.</blockquote>Iɣ bahra tɣzzif tazwurt bḍu tt f uyyawn.
Tazwart iqqan tt id ad tbidd s yiɣf nns, ad tg tawṭunumt ; ad ur iḥtujju imɣri kra yaḍnin fad ad tt irms (ifhm), ad as tfk yat tussna tamzwarut ifawn f sujet. aylli d iɣaman ɣ warra ar hlli ittkmmal, ifk uggar n isisfiwn f ɣaylli d tiwi tzwart.
Iqqan d tazwart ad tsmagi sujet n warra (ad tml mad iga), ad t tssusn (ad t issn imɣri).
Tazwart iqqan tt id ad tsbayn atig n sujet. maɣ alliɣ yuklal ad fllas nara ɣ wikipidya. iɣ t ur ili, ur yuklal tasna ɣ wikipdya.
Azwul n warra ixssa t ad d ibayn ɣ twinst izwarn n tzwart, d ad ittyara s tirra zurnin yat tklit ka.
Ɣ tzwart, iga labudd ad ittyawbdar usatl n sujet. asatl gan t wumlan lli ttawsnin i imɣri ad irms aylli ittyaran ; ar izddi tiswingmin n uḍris d ɣaylli yad issn.<ref>https://study.com/academy/lesson/what-is-context-definition-application-quiz.html https://300daysofbetterwriting.wordpress.com/2013/09/12/start-paragraphs-by-establishing-context/ https://performancing.com/writing_tip__establish_context_so_readers_understand_better/</ref> ɣayad ar aɣ ittawi s twngimt n ulink asatlan...
Iɣ bahra tɣzzif tazwurt bḍu tt f uyyawn.
== Tutlayt ==
| 