Rrif: Amzaray ngr tunɣilin

[[Afaylu:Atlas-Mountains-Labeled-2.jpg|250px|right]]

[[Afaylu:CARTE DU RIF AU NORD DU MAROC (ANCIEN RIF ESPAGNOL).png|droite|250x250px]]

'''Rrif''' niɣ '''Arrif''' « Rrif / ⵔⵔⵉⴼ » tga tamnaḍt ɣ ugafa n tmazirt n [[Lmɣrib]] tili ɣ iggi n udrar n rrif, adrar-ad li yumsn sg yixf ar ixf n izlmd [[Amṛṛuk|Lmrruk]] zzɣ tanja ar iwutta n tamazirt n [[Dzayr|Dzayer]]. Tssajja f [[Ill Agrakal|yill agrakal]], zdɣn gis gr 3 ar 5 mlyun n imzdaɣ. Tamazirt n Arrif llan gis idrarn, d izaɣarn, d yiftisn f [[Ill Agrakal|yill agrakal]]. Idrarn d tmazirt n Arrif ssnta zɣ ixf n Sbartil (Cape Spartel) d [[Ṭanja]] ɣ utaram ar ixf ikbdann (Ras Kebdana) d yiɣẓer amelwi (Meřwect) ɣ ugmuḍ, zɣ [[Ill Agrakal|ill agrakal]] ɣ ugafa ar iɣẓr n wrɣa ɣ wanẓul. zɣ iɣrman mqqurnin illan ɣ tmnaḍt n Arrif imqqurn gisn: Nnaḍur, Lḥusima, [[Ṭanja]], Tiṭṭwan, Accawn, Brkan, Taza, Targist, Azɣnɣan, Sṛwan, Miḍar, Zayyu, Aɛarwi, Ddriwc, Ayt Buɛyyac, Imzurn, Lɛrayc, Ajdir, Tawrirt, Fnidq, d Ljbha. Idrarn n Arrif udsn idrarn n “Cordillera Bética” ɣ [[Ṣbanya]]. idrarn n Arrif udsn mac ur qqinn kra dar idrarn n watlas. Gratsn a ɣ tlla Taza. Ur d akk imzdaɣ n tmnaḍt n Arrif imqqurn ar ssawaln tutlayt tamaziɣt. Imzdaɣ n [[Ṭanja]] d Tiṭṭawin qqarn i yixf nnsn “jbala” (ijbliyn) nitni ar ssawaln [[Tutlayt Taɛrabt|taɛrabt]] tajblit. Tamnaḍt n “jbala” d tafult zɣ tmnaḍt n Arrif imqqurn. Iwdan issawaln tmaziɣt ɣ Arrif qqarn i yixf nnsn “Imaziɣn” niɣ “Irifiyn”.