Alissu Balduvinitti
Alesso nɣ d Alessio Baldovinetti (14 ktubeṛ 1425 - 29 ɣuct 1499), ikka tt nn iga yan umkla aṭalyan n Tlslalit tazaykut.
Tasknudrt ssnfl
Ilul d Baldovinitti ɣ Flurinsa dar yat twja n "nobles" igan tansbaɣurt. Asggʷas n 1448, ittuzmmem zun d yan sɣ igmamn n Gild n St. Luk (Agʷrram Luk): "Alisso di Baldovinitti, dipintore."
Ikkatinn iga amḍfar n tgrumma-ann n imẓrilawn imassann d yimẓrfamamn n tẓuri ɣ ar ittamu Andriyya dil Kastagno, Pawlu Utcillu nttan d Dominiko Vinzyano. F ɣaylli ittyawnnan, nttan ad yawsn ɣ usdikuṛ n tfacga n S. Igidyu, is hlli ur iɣama kra n "record" ma s ad tssnẓut taɣawsa ad. Ttyawskarn idikuṛn-ad ɣ isggʷasn n 1441 - 1451 s tkssa n Dominiko Vinizyano d Andriyya dil Kastagno. Aylli iffuɣ ccekk, iga t mas d nttan ad ittyukllafn s usmad nns ɣ yan usakud igan aḍfran (1460).
Asggʷas n 1426, ittusmahl Alisso s tklut n ufrisku ixatrn i "Annunciation" ɣ ammas n tɣzamt n Annunziata tabaziliyt. Isagurn mklli s ar tn-nttannay, gan yan wanẓa f tsugrt n unaẓur ɣ usrws n yifruritn igamann s trarit-nns n tɣḍʷft inɣdn bahra, taɣawsa nna yujjan Vasari ad fllas izmmem yat snat tguriwin dis zdinin : "Ikka tt inn iɛzza dars ad yamẓ timuɣliwin issnɣl tnt nnican mkdda gant ɣ ugama-nnsnt, d mkann maf ar ilmma nttannay ɣ tflwin-nns isaffn; tilggʷin, iẓran, imɣayn, igumma, iɣarasn, igran, timdinin, d wahli n tɣawsiwin yaḍnin mi ur ili ttmi," ikka t inn awd iga yan "inveterate experimentalist" ɣ iskkinn itiqniyn.
 |
 |
Amnni ad iga amud izdin d ixatarn d Iṭalyaniyn ttussannin lli isbuɣlan tamassant d tẓuṛi. Aws i Wikipidya s usnfl nns, tssimɣurt t. |
