Anẓiḍ amaziɣ
Anẓiḍ amaziɣ nɣ Akbur amaziɣ iga yan wanaw zzɣ afrruy n inẓiḍen n wakal, d irxa ad ittussan s imzgan nns imẓẓin d wazzar nns i ttggan ablbac nɣd aqwi d llan gis kra n iwnɣan isggann nɣd iqqhwin s tɣzi .
| Ism agʷzzal | A. getulus  |
|---|---|
| Nom scientifique du taxon | Atlantoxerus getulus |
| Rang taxonomique | Tawsit |
| Taxon supérieur | Atlantoxerus |
| Nom vernaculaire | Barbary Ground Squirrel, North African Ground Squirrel, Nordafrikanisches Erdhörnchen, Atlashörnchen, Nordafrikanisches Borstenhörnchen |
| Protonyme | Sciurus getulus |
| Statut de conservation UICN | espèce de préoccupation mineure |
| Cycle diurne | diurne |
Assaɣn
ssnflAssaɣ amassan: Atlantuxerus getulus. Anẓiḍ abarbari - anẓiḍ n laṭlas - anẓid amaziɣ ... Ɣ kra n tasgiwin ɣ sus d laṭlas ar as ttinin " anẓiḍ " nɣd " agbur " d dar tasga n (taza) ar as ttinin "cefcn" d g lqbayel ar as ttinin "cebirdu" .
Tikli
ssnflAnẓiḍ amaziɣ iga yan umudr ifssusn ɣ umussu nns, d mqqar a yettkka tugtt n tizi nns g wakal macc ar yaqqʷlay s idɣarn yattuyn afad ad dars tili tannayt ifulkin i mad illan d ma ittmussun g udɣar nna g izdeɣ . Ar ittddr unẓiḍ amaziɣ g terubba zzɣ 10 ar 20 n wanẓiḍ, d ar ttmunn g tizi iɣ a ggʷann g ifratn nnsn gr iẓṛan, d ittussan is a yettili g tesgiwin yaẓen yiḍuṛan. Ar itmussu wanẓiḍ amziɣ g uzal macc ar bahra ittmussu iɣ-d teɣʷli tefukt nɣd iɣ ar a ttruḥ affad ad yanf i tirɣi n tefukt ɣ uzal.
Aksay d taẓḍuyt
ssnflAr tlkkm tiɣzi unẓiḍ amaziɣ imtrugn zzɣ 20 ar 25 cm bla acṭṭab ilkkmn gr 15 ar 20 cm, d ar tlkkm taẓḍuyt nns zzɣ 200 ar 300 Gram.
Tirmt
ssnflUtci nns ɣ tasila iga amsicekan zund: Amud [Amud n ujddig n tafukt], [Adrn - Agrgaɛ - Ikikd], d igumma zund [Adffuy d Tiyni ...], d icakan zund [Tirkmin - Talluɣda d Xizzu] d ar ictta ula ibuxxucn zund tammurɣi, d iqqjdar d tiglay n yigḍaḍ, macc ɣ Lmɣrib ittussan mas iḥmel aqqayn n wargan .
Azmz n tudrt nns
ssnflAr ittddr wanẓiḍ amaziɣ zzɣ 3 isggʷasn ar 5 nɣd 6 n isggʷasn.
Imudar it icttan
ssnflLlan kigan n imudar icttan anẓiḍ amaziɣ zund: Abaɣuɣ - aswwan - tamdda - tawwukt - igider - ilgmaḍn.
Talalit
ssnflAr issnti usggʷas n litihal ɣ "bṛayer" d ar ittkka isiy zzɣ 14 ar 16 n wass, d ar ttffuyyuɣn warrawn ɣ isddi nɣd ifri ɣ imallas wiss smmus nɣd sḍis d ar ittqqiḍi usumm g yimalass wiss sa .
Asnmata ajeyugrafi
ssnflTessiḍn (tamuni tamaḍlant n uḥṭṭu n ugama) mas a yettddr aɣar ɣ Lmɣrib d Dzayr d Tigzirin Tikanariyin, d slawann akkʷ g Lmɣrib iɣ bahra iggut g idrarn n laṭlas ( imẓẓin d umqqran d umjahdi ).