Asnfaṛ n uslgn asnmalay nna izdind usnṣb n tutlayt tamaziɣt

tssgmḍ taymunt n usslmd d tɣawsiwin tidlsanin d tnamunin g usqqim n imcciwṛn, ass ad n uynas xf usnfaṛ asnmalay uṭṭun 26/16 nna izdin d tfrkiwin n usnṣb n tutlayt tamaziɣt d usadf nns g igr n usslmd d imnidn akk° n tudrt .

    inna yan inaw n tnɣlaft n tdlsa d umyawaḍ( igr n tdlsa) masd anɣlaf n tdlsa mass muḥmmad lɛṛj inna g yat tguri nns  s tmlda yad ,masd asnfaṛ asnmalay nna issdusn amyawaḍ s tutlayt tamaziɣt g akk° imnadn n tudrt d mas tga tutlayt tunṣibt d mas tt ssarn imɣribin akk° . 

   ismd unɣlaf inna masd asnfaṛ ad iga uwttas nns ad issdus amyawaḍ d twisi g uswir anamur,sg ufrag n tutlayt ad d ufrag n taysi d tɣrma tanamunt tamaziɣt,d uswuri afad ad tbuɣlu, d usbuɣlu n twwuriwin tinamunin nna ttawskarnin g igr ad . 

   inna daɣ mass lɛṛj masd asnfar asnmalay amaziɣ rad issdus isugam inafgann g igran uslig d umatay ,g igr n umyawad s tutlayt ad ,d usbuɣlu n tzrawin timassanin nna izdin d usbuɣlu n tutlayt tamaziɣt ,d wannal n usnflul g igr ad und inmuggarn d igr n usmuttg aẓuṛan g tmrsalin ɣ gant tusligin nɣd timatayin .