Ass agraɣlan n usuɣl
Iga wass agraɣlan n usuɣl yat tmlda ar tettili kraygat asggʷas ɣ wass n 30 Cutanbir[1] , lli igan lɛid n Ugrram Jiṛum (en)[1]. Ar fllas tettawz Tfidiṛalit tagraɣlant n imssuɣln d tmsmunin yaḍnin n imssuɣln d imfasrn.
Astay n 30 Cutanbir ssnfl
Ittustay wass n 30 Cutanbir ad ig ass agraɣlan n usuɣl acku iga lɛid n Ugrram Jiṛum (en), nna igan amssuɣl n Injil, ittyawssan s ugrram n imssuɣln[1].
Iga Ugrram Jiṛum (en) yan uṛhib zɣ iẓẓlmḍ n iminig n Ṭalyan, ittussan bahra s tuggas nns ɣ usuɣl n Injil s Tutlayt Talatint zɣ warratn igrikn n Injil wis sin (en) lli ittyaran s Tutlayt Tagrikt. Issuɣl ula mnnaw igzzumn ɣ Injil aɛibri s Tutlayt Tagrikt. Iga zɣ uẓuṛ aliri tg tantala Talirit tutlayt taymmat nns. Iɣra Tutlayt Talatint ɣ tinml, iɣf Tagrikt d Tɛibrit ɣ tɣuriwin nns d imuddutn nns. Immut Jiṛum ɣ tama n Bayt laḥm ɣ 30 Cutanbir 420[1].
Taɣtast n Tmttiwin Imunn ssnfl
Izzri Ugraw Amatay n Tmttiwin Imunn (en) ass n 24 Mayyu 2017 Taɣtast 71/288 nna iẓlin ass n 30 Cutanbir ad ig Ass Agraɣlan n Usuɣl, issikz s tilalt n usuɣl azzulan ɣ unyalkam gr tmttiwin[2]. Ssgmḍnt 11 n tmizar tamrkast n tɣtast A/71/L.68: Azrbayjan, Babgladic, Bilarusya, Kusta Rika, Kuba, Ikwadur, Baṛagway, Qaṭaṛ, Tuṛkya, Tuṛkmanistan, d Fitnam[3]
Tafidiṛalit tagraɣlant n imssuɣln ssnfl
Tssnti Tfidiṛalit Tagraɣlant n Imssuɣln (en) asussn s isfuglutn zɣ lliɣ tettusrsl ɣ 1953. Ɣ 1991, tfsr tfidiṛalit tawngimt n usikz unṣib s Wass Agraɣlan n Usuɣl bac ad tili twizi gr imssuɣln ɣ umaḍal ad ttyissin twuri nna skarn mas dars illa watig mqqurn ɣ uzmz n tsmaḍalt.
Isgumn ssnfl
Ar tstay tfidiṛalit tagraɣlant n imssuɣln kraygat asggʷas yan usgum i wass agraɣlan n usuɣl:
- 2014−Izrfan n tutlayt: Asala i kullu izrfan n ufgan
- 2015−Udm ittnfaln n usuɣl d ufasr
- 2016−Asuɣl d ufasr: Azday n imaḍaln
- 2017−Asuɣl d umyanaw
- 2018−Asuɣl: Asussn s taysi tadlsant ɣ izmaz ttmskalnin
- 2019−Asuɣl d tutlayin tinṣliyin ɣ Usggʷas agraɣlan n tutlayin tinṣliyin[4]
- 2020−Tifi n tguriwin i yan umaḍal ɣ tassast
- 2021−Tamunt ɣ usuɣl
- 2022−Amaḍal bla iwutta: Tilalt n imẓlayn n tutlayt ɣ uẓku n tdlsa, armas, d ussdus n ufra
Isaɣuln ssnfl
- ↑ 1,0 1,1 1,2 et 1,3 (s Tnglizt) United Nations. "International Translation Day". un.org. ittuẓṛa ɣ 30 Cutanbir 2022.
- ↑ (s Tnglizt) United Nations. "General Assembly A/RES/71/288".
- ↑ (s Tnglizt) Azerbaijan; Bangladesh; Belarus; Costa Rica; Cuba; Ecuador; Paraguay; Qatar; Turkey; Turkmenistan; Vietnam (10-05-2017). "The role of professional translation in connecting nations and fostering peace, understanding and development"
- ↑ (s Tnglizt) United Nations. "A/RES/71/178". undocs.org.
Izdayn n bṛṛa ssnfl
- CEATL, European Council of Literary Translators' Associations. They promote the celebration throughout Europe.