Ayt Baɛmran gan mnnawt tqbilin ticlḥiyin ɣ iffus n Lmɣrib munent ddu ism ad. Llant tqbilin ad ɣ tsga n Uglmim-Asif n Nun. Tiqbilin ad gant s laṣl zɣ tqbilt n Ilmṭiyn lli igan yan wayaw gr wayawn n tqbilin n Iẓnagn.

Tiqbilin n Ayt Baɛmran

Tettawssan taqbilt ad s tnzbayt d tɣnsa d tirrugza mgal asdurri n Fransa d Ṣbanya.

Akal nnsn ssnfl

Akal n Ayt Baɛmran zikk ikkatinn imqqur ur d zund iwtta lli teṭṭaf ɣilad lli ɣ illa ɣ ugafa tiqbilin n Ssaḥl, ɣ iffus taqbilt n Ayt Laḥsn lli igan yat ɣ tiqbilin n Tkna, d ɣ tagut llan gis tiqbilin n Laxṣaṣ d Ayt Brayyim. Ɣ kran iɣbula ar nttafa mas tiqbilin ad kullutn lli f nsawl ɣilad kkan-tt-inn llant ɣ ammas n wakal n Ayt Baɛmran urta illa tqsim ad lli illan ɣila lli ittuyskar ɣ usggwas n 1934 ɣ ammas n yat litifaqya lli mu ism Lhna.

Tamunt ad gis sḍiṣt tqbilin ḍwrn f tiɣrmt n Sidi Ifni, tiqbilin n Ayt Baɛmran lli illan ɣilad atnt igan :

  • Taqbilt n Imstitn
  • Taqbilt n Ayt Bubkr
  • Taqbilt n Ayt Lxums
  • Taqbilt n Ayt Ɛazza
  • Taqbilt n Ayt Ɛbḍlla
  • Taqbilt n Aṣbuya

Isaɣuln ssnfl