Farid Muḥmmad Zalḥuḍ

Farid Muḥmmad Zalḥuḍ, ilul ɣ usggʷas n 1959 (asakud n tlalit n tidt 1957) ɣ usun n Waday, tiɣrt n Tfrawt, tasga n Tznit, ḍaṛt ma ismd tiɣri tamnzut ɣ tinml n Muḥmmad Wis Smmus da nit illan ɣ tmazirt nns, iḍfṛ tiɣri nns ɣ usinan n mulay ṛcid ɣ tznit, yamẓ gis aslkin n lbakaluṛya ɣ tskla asggʷas n 1977. Ḍaṛat nns yumẓ turagt ɣ tutlayt ɣ tskla tinglizt ɣ tsdawit n Muḥmmad Wis Smmus ɣ Ṛṛbaḍ, immatti s tasdawit n tskla d tmassanin tinfganin ɣ tsdawit n Lqaḍi Ɛiyyaḍ ɣ Mṛṛakc yamẓ gis aslkin n tzrawin tisdawiyin timatayin ɣ usggʷas n 1982. ifl tiɣri nns tamatayt ɣ usggʷas wis kṛaḍ n turagt, yadf ammas asgman asgawan n Lqqnḍrt ɣ usggʷas n 1985. Ḍaṛt n sin isggʷasn n usanun, imurs ɣ irim n usufɣ ɣ wammas, ittufka as usinan n bn lɛaṛabi lḥṭimi nna illan ɣ tznaxt asggʷas n 1987, issnti gis asaka nns d aslmad n tfṛansist, ɣ usggʷas n 1992, immatti s tmazirt lli ɣ ilul tiɣrmt n tfrawt, iswuri ɣ usinan n Laṭlaṣ d aslmad n tfṛansist ar 2020 nna as igan asggʷas anggaru (tanaft). Dar muḥmmad zalḥuḍ sin tarwa, Siman (19 n usggʷas) d Yuba (17 n usggʷas) ig amdyaz d umara n tullisin d umssunɣ d umkkar d umssuɣl.

Tismɣurin nns

Yuwi muḥmmad zalḥuḍ smmus tsmɣurin tisklanin n tmdyazt tamazuɣt : ɣ usggʷas n 1997, yiwi tasmɣurt n saɛid sifaw, 2020 tasmɣurt tagraɣlant tamqqrant n Ɛbdlkrim Lxṭṭabi tettwassn s tsmɣurt s uɛrrim amsnflul, yawi ula tasmɣurt n Tmaynut asggʷas n 2002, ɣ 2012 tasmɣurt n Tzlɣa n Tirra i Imaratn s Tmaziɣt, tanggarut yuwi tin Bṛahim Axyyaṭ i tskla tamaziɣt.

Tiwuriwin n Muḥmmad Zalḥuḍ :

1. Yura kṛaḍt tmdyazin s tutlayt tamaziɣt iga asnt s uzwl (imuṛṛuyn, takat, iɣd) tssufɣ tnt id (Volubilis) ɣ bruksil ig asnt azwl n ‘’ afgan zun d argan’’.
2. Taguri n baṛya, d tagrumma nns tamzwarut n tmdyazin 2001.
3. Ɣ usggʷas 2007, izuzzr snat tadliwin timaynutin n tmdyazt s tfṛansist, tawila n udlis amuṭṭun, tssufɣ t id taddart n yujin, iga asnt s uzwl: "Ultime Poème" "Semblable à l'arganier"
4. Ɣ usggʷas n 2010, issufɣ d tadla n tmdyazin s tutlayt tamaziɣt ɣ ugadir, isti as azwl: imriri n umdlfaw.
5. Izlan i tayri, tiẓṛigin n tzlɣa n tirra, ɣ usggʷas n 2012.
6. Asaka, tadla n tmdyazin s tmaziɣt, ittuskar asnt usuɣl s tfṛansist, tiẓṛigin n tsiggzt lwuṛud inzggan ɣ usggʷas n 2013.
7. Tilag, tadla n tullusin s tmaziɣt, tiẓṛigin n tzlɣa n tirra.
8. Tayri d waman zuzwanin, tadla n tmdyazin, tasiggzt tadslant n ayt mllul, asggʷas n 2014.
9. Ɣ usggʷas n 2015, tssufɣ as d tzlɣa n tirra s wannal n tmawast n tdlsa yat tdla n tmdyazin s tutlayt tamaziɣt, iga as s uzwl ‘’imula imrwaln’’
10. Anẓiḍ, tmdyazin s tutlayt tafṛnsist, tiẓṛigin n sumagṛam, 2019
11. Izlan ttyawstaynin i tafukt ijddrn, ṛumagṛam, 2023

Tidrawin nns

Idra muḥmmad farid zalḥuḍ ɣ tugt n twuriwin, s umdya :

• Tinfusin timaziɣin, Ag Wawlkaz, tiẓṛigin n Volubilis ɣ Bruksil, 2004.
• Asunfu ɣ usafu, Ɛbdsslam naṣif (timdyazin s tmaziɣt) Ṛṛbaḍ, 2008,
• Tigurin sg udfl d umlal d ugaru, tiẓṛigin n CDFM kibik, kanaḍa, 2008
• Ṛẓm ulawn, Ɛbdsslam Naṣif, timdyazin s tmaziɣt, Ṛṛbaḍ, 2010.
• Aḍan iɣwwaɣn, Mṣṭafa Ḥumir, tiẓṛigin n sus, agadir, 2010
• Inaẓuṛn, amanar n inaẓuṛn imsilɣn, Lḥbib Fuwad, asinag agldan n tussna tamaziɣt, Ṛṛbaḍ, 2010.
• Asuɣl n walbum amggaru n Iznẓaṛn - Akal- s tfṛansist s umyawas d mass Ɛbdllah Ṣbṛi.
• Tayri d tmagit, tullist n lḥusin ddawdi, tasiggzt tanammast n ayt mllul, 2012.
• Tin ussan n lalla tadrfit, tazwart s tfṛansist, laṭifa id lmuddn, agadir, tasiggzt n sus agadir, 2013.
• Ankruf n tama n ṣalḥ ayt ṣalḥ, tazwart, tffuɣ d ɣ 2015.
• Iḍṛfan imzwura, muḥmmad anir lɛaqili, tazwart, tiẓṛigin n tzlɣa n tirra, 2016
• Timktitin n tmẓi, tagrumma iccarn, madaɣacqaṛ, 2018.
• Timiḍi n umdyaz, tamunt n lmɣrib amqqran, Ṛṛbaḍ, 2019.
• Tasawayt n mririda (tibratin i trbat taɛrrimt tamɣribit) tagrumma iccarn, Tamaynut Ayt Mllul.