Imnɣi n Tin Igalfn

Iga imnɣi n Tin Igalfn (07 innayr 1917, imsasan d 26 dujanbir 2866 n usggʷas amaziɣ) yan yimnɣi bahra ittwabdirn mgal n tmharsa g tmazirt n Lmɣrib.Yusi umtwiy ad ism n tin igalfn acku isar g yan udɣar yaẓn i usun n igalfn iḍfaṛn i tqbilt n Id Busksu igan yat sg tqbilin n twsit n Ayt Bṛayyim, adɣar ann ass ad ila assaɣ n agʷni n ḥayda, acku ɣinn a ɣ ittwanɣa ḥayda u mmays lbaca n trudant, bbin gis ixf nns, ittṛẓ gis udfrir afṛanṣiṣ illan s tmuzrt n ḥayda u mmays gar tiṛẓi f ufus n inzbayn n twsatin n waṭlaṣ amẓyan utrim, ayad yujja imnɣi ad, ad ig yan sg imnɣan mqqurnin mgal n umddurruy afṛanṣiṣ g tmnaḍin n yiffus n tmazirt nnɣ s umata.

Tindi

Amtwiy ad immnɣan ad ur ittwattu, ittwasin f ubdar nns, s tugt n tmntal, dar tmrsal timaddudin d tsmirit tamattayt n tnzbayt d igmamn n udfrir n uslelli... zun d imnɣan yaḍnin immaln aburz d waddur illan dar inzbayn n twsatin timaziɣin akkʷ.