Izrzr amaziɣ

Izrzr amaziɣ iga yan wanaw ayyawan zzɣ tawja n izrzrn. iddr ɣ yiẓẓlmḍ n tefṛiqt (Dzayr - Lmɣrib - Tuns).

asnuml:

Izrzr amaziɣ imẓẓi s imikk f izrzr azggʷaɣ, d uklu nns iga aqhwi ijhden d gis kra n inwimn imlluln ɣ uɛrur nns.

idɣarn n tudrt nns:

Izrzr amaziɣ iga izrzr amyiwn ɣ ufrruy n izrzrn ɣ tefriqt, d ar ittili ɣ tasgiwin iɣ llan taganin ɣ "Dzayr - Lmɣrib - Tuns" slawann akkʷ iwtta gr Dzayr d Tuns ɣ taganin n tiɣrmin: Qalma - Suq ahras - Ɛnnaba - Qala. Ɣ umzwaru tga yadlli zzɣ imudar ittusmagln s ufuḍ, macc tssnti ar-d ttiwrray s Tuns ɣ 1990, d Lmɣrib ɣ Temḥḍitin n yiẓẓlmḍ iɣ llan taganin, dffir iɣ-t laḥ 200 n usggʷas, ar kiɣ-t id siwrrin. Amma ɣ Dzayr ikkatt inn iggut, macc uckand kra isggʷasn iggut ma-tt igʷmmrn f tfiyyi nns d ilm nns ar kiɣ yafuḍ ɣ usggʷas n 2004, d ɣ isggʷasn ad iggʷran issnti yan umzizzl afad a tt id siwrrin ɣ taganin n Dzayr lliɣ d iwin sin izrzrn d arrawn nnsn rẓmn-asn ilmma ɣ tasga n "Ṭras baɛali, idrarn n tangawt taɣrmant n Zzituna" tlla gis 50 hiktar.

imudar i-t icttan:

Zzɣ imudar i yadlli icettan izrzr amaziɣ ar nettafa: Izm amaziɣ d uɣilas amaziɣ d ububbaẓ amaziɣ, macc abubbaẓ yafuḍ, amma izm d uɣilas afuḍn ɣ taganin.

tirmt :

Ar ictta izrzr amaziɣ icakan d igumma d tuga i d inkkrn ɣ taganin n tasaft d idrnan.

talalit:

Ar ittkka isiy n izrzr amaziɣ kra n 8 n wayyurn, d talalit ar ttili ɣ "ibril d yunyu".