Rrays Muḥmmad U Taṣṣuṛt
Rrays Muḥmmad Brahim u Taṣṣuṛt iga yan ɣ inmɣurn n tẓuṛi n Tirruysa n tasut 20, ittyawssan s taqqayt nns iẓiḍn, ilul Rrays ad ɣ ultay wis kṛaḍ n tasut 20 ɣ Bu tazart, yan wusun imgalan d tɣrmt n umgdul (Taṣṣuṛt) s kra n 22km ɣikann, iɣra zwar ɣ tmzgida, ukan lliɣ imqqur yan imikk, imun d ufqqir nns d nttan nit ad as issntin tawada nns ɣ usays ad n Tirruysa, ar as ikkat yus nnaqus, lliɣ ilkm ɣf uẓum, izri s Taṣṣuṛt, ɣinn a ɣ zwar iskr tarabbut nns, gis kra n Rrways yaḍnin zun d: Rrays Brahim biẓllayn d Rrays Mbark Ismg d Rrays Abudrar. Ikka ɣ taṣṣuṛt arkiɣ, fad ilmma izri s Mṛṛakc s usarag n Jamɛ Lfna, iswuri d Rrays Mulay Ɛli, irir dis kra, zun d yat tallɣat mi ismn "Anrar n Ṣṣalḥin". Izga u Taṣṣuṛt ɣ Mṛṛakc, izdɣ gis, iskr gis tarwa nns.
| Rrays Muḥmmad u Taṣṣuṛt | ||
| Tawlaft n unaẓuṛ | ||
|---|---|---|
| Tudrt nns | ||
| Azmz n tlalit : | 30s (tasut 20) | |
| Aḍɣar n tlalit : | Bu tazart, Ida u blal | |
| Azmz n tmttant : | 16, Yunyu, 2016. | |
| Tawwuri | ||
| Rrays | ||
Izmmim Album nns izwurn d Muḥmmad Amẓal, ɣ usuk n lalla Yaqut, ɣ ustudyu n Lḥajj Ḥasan, sɣ umarg ittyawzmmamn illa: Ṭṭabla d Unrar n Ṣṣaliḥin d Bariz Ifjjij. Zzrin dis Warda Brud yan wuntim, ɣ twinst 26 n usays.
Immut igllin ɣ wass n 16 Yunyu 2016, lliɣ inɣa uggar n 80 n usggʷas dffr yan imiɣ n kṛaḍ isggʷasn d yan waṭṭan ur ijjin.