Saski
Ilul Saski nɣ s wassaɣ ns ikmmln Saski Utciha g uḍwwar n Kunuha , d g wakud llig akkʷ ur issin Naṛuṭu imarawn nns, Saski g tizwiri n tmẓi nns iṭṭr d imarawn nns d umas Itaci , da t bahra ttirin mqqar as t ur nnin s tɣarast tusridt, Saski Utciha iga seg udrum (lɛacira) n Utciha lli iẓlin s tilit n tiṭṭawin n Caringan, llig ikcem Takadimit n Ninja da ittmun d umas s tagant afad ad ttluɣmun ɣef tɣawsiwin lli ittelmad g tkadimit zun d mamek s da issakay Ccurikin, macc idrus ma g da dis ittmun umas acku dars tiwuriwin yaḍen, da t bahra ttirint tarbatin lli dis yaqqran slawan akkʷ Sakra, g unemgal ur d dis imcacka Naṛutu acku gis tusmin maɣef Saski da t akkʷ ttirint d netta ur tt gis yiwi yan (da t-tettiri Hinata maca ur tt gis yiwi)
| Anaw nɣ asrtu | awtm  |
|---|---|
| Tamazirt n tɣlant | Pays du Feu |
| Ism s tutlayt taymmat | うちは サスケ |
| Ḍfṛism | Uchiha |
| Nom en kanas | うちは サスケ |
| Anniversaire | 23 juillet |
| Père | Fugaku Uchiha |
| Mère | Mikoto Uchiha |
| Frère ou sœur | Itachi Uchiha |
| Asmun niɣ d Tasmunt | Sakra |
| Enfant | Sarada Uchiha |
| Famille, dynastie ou maison noble | Clan Uchiwa |
| Tawuri d mad isala | épéiste, ninja de fiction, ninja |
| Élève de | Kakashi Hatake, Orochimaru |
| Groupe sanguin | AB |
| Iga yan ugmam ɣ | Team Kakashi |
| Amsnflul | Masashi Kishimoto |
| Comédien ou comédienne de doublage | Noriaki Sugiyama, Yuri Lowenthal, Rafat Bazoo, Q111431356 |
| Thème musical | Wandering |
| Présent dans l'œuvre | Naruto, Jump Force, Boruto: Naruto Next Generations |
| Tiré de l'univers de fiction | Univers de Naruto |
| Super-pouvoir | Sharingan, Kaléidoscope hypnotique éternel du Sharingan |
| Personnage type | Lone Cowboy |
| Trait de personnalité d'un personnage fictif | vengefulness |
Tudrt
ssnflIga Saski yan urba iɣisen aṭṭas g temẓi nns d iga tagidda n Naṛutu g wawtay, da ittemwat afad ad imel i babas mas iga zun d umas g ufukkes , ifejjij g tudert nns ar yan wass lli rad issenfel tudert nns timiḍi d tamraw n tsekfelt, llig imun d uɣaras s tgemmi g yiḍ iẓra ayt udrum nns akkʷ mmuten yazzel nit s tgemmi-nnsen yaf-nn imarawen nns mmuten awed nettni d mayd t-iẓẓman aha isker-as abray uggar iga-t llig issen mas d umas Itaci lli bahra ittiri ayd ten-inɣan, ikka-tt-inn rad immet awed netta mra is ur iburez dar Itaci, inna-as umas ksen-i aha giḍ fellati d kudenna tdused acek-d dari tenɣed-i, iẓma iḍer s wakal llig t-issekcem Itaci s yat twargit s ussemres n Caringan , iduy-d yaf iɣef nns g usegnaf , seg wakud-ann ad ɣurs taswingemt n ad ineɣ umas Itaci d afad ad tt-issidet iqqan d zwar ad issdus iɣef nns , immaqqar netta d Naṛutu d Sakra g trabbut tiss sa gin inelmaden n Kakaci Hataki , ilemma ar fettun s teɣlifin lli asen-ittufkan amm tirubba yaḍen, llig ilkem irim n Tcunin mmaqqaren d iwriken lli idran g yirim slawan akkʷ Uṛutcimaṛu lli iqqsen Saski g umeggreḍ llig dis mmaɣen afad ad asen ur ikkes yan warra lli di-sen usin , tiqqist-ann tfel yat tmatart g umeggreḍ n Saski isem nns tamatart n tagat, g tgira n yirim n Tcunin ssrewlen ineḍfaren n Uṛutcimaṛu Saski seg udewwar n Kunuha d awed netta imun di-sen acku ira adwas n Uṛutcimaṛu afad ad ineɣ umas , ilkem sul dar Uṛutcimaṛu meqqar sekren imeddukkal nns unect lli mi zemren afad ad t-id-raren slawan akkʷ Naṛutu , ilemma ig anelmad n Uṛutcimaṛu, iwattes ad issdus iɣef nns ard ilkem wass lli g rad immaqqar d umas Itaci Utciha .
Ḍart n sin iseggʷasen n ulaɣmu ger ifassen n Uṛutcimaṛu, ismutteg Saski tarabbut nns llig zwar inɣa Uṛutcimaṛu acku ur dis imcacka g uswingem, netta d Swiygitsu d Jugu d Karin gan tarabbut afad ad nɣin Itaci umas n Saski, inɣa-t sul Saski g yan yimiɣ amekruẓ, ukan immaqqar d Ubitu yan seg udrum nns yales-as ɣef mayd d maɣef allig isker Itaci ayelli isker, ilemma ikcem netta d trabbut nns s Akateski awsen-asen g usmuni n Ibijuten, mmaɣen d yan seg udewwar n imedla ig asmun n uraykagi amɣar n udewwar-ann, llig lekmen ineɣmisen Raykagi yuzen kraḍ icinubiyen s udewwar n Kunuha d g wakud-ann ufan-inn amɣar n Akateski Pain irdel-t, ibedd uhukagi amaynu Danzu acku ɣalen is temmut Tsunadi Ahukagi wiss semmus, inna-asen Danzu nɣat Saski, sekren Ikagiten yan unmuqqar grat-sen ɣef umukris n Ibijuten lli tesmuna trabbut n Akateski, g wakud-ad tlul ɣur Saski taswingemt n ad irdel adewwar n Kunuha llig issen mas d Danzu ayd isergen i mayd isker Itaci, netta d Ubitu ẓeḍmen ɣef unmuqqar n Ikagiten ssnekren amgaru wiss kkuẓ n icinubiyen, aɣulen nit s udɣar-nnsen ḍart n yimiɣ d ikagiten slawan akkʷ Danzu lli inɣan Saski, ar ttmuttugen i umgaru, agezzum-a da isawal ɣef ugezzum wiss sin n Naṛutu s yisem n Cibbudin (Shippuden), issenfel Saski tiṭṭawin nns s tin umas Itaci acku dusent kigan d acku tinnes ṛmint, jjint ukan wallen nns inker nit iddu s umgaru, immaqqar Saski d umas g umgaru netta d Kabutu lli t-id-iruren s tudert s idutinsi, yales-as sul ɣef umezruy nns llig zwar rnan Kabutu, yucka-d dars Swiygitsu d Jugu lli as-yiwsen g ad d-raren Uṛutcimaṛu s tudert seg tmatart n tagat lli ifel g tnelmadt nns, ruren-d Uṛutcimaṛu afad ad issuder kkuẓ ihukagiyen imezwura n Kunuha d rad ten-iseqsa Saski ɣef mayd asen-iga udewwar d watig nns, g tgira iɣtes sul ad imyawas d Naṛutu ad ssmaren amgaru, mmaqqaren netta d Naṛutu d ugerram n sḍis ibriden ifek-asen Cakra nns afad ad rnun Kaguya lli d-iffɣen seg Madara lli illan d Ubitu, reglen-tt-inn sul g wayyur, sgurun-tt s yimiɣ grat-sen allig ittubbay ufus i ku yan git-sen, tesselkem-ten Sakra s usegnaf g Kunuha, llig ijji Saski iffeɣ seg udewwar afad ad yari Kunuha seg beṛṛa nns d ad issfeḍ tiɣawsiwin ur ifulkin lli isker, g tgira yiwel s Sakra taru Sarada Utciha, ar ɣi rad nekcem g tneqqist n tasut tamaynut s yisem n Buṛutu (Boruto).
- Tiṭṭ tamekẓayt: Rinigan