Tagzirt n tasaft
G usggas n 1975, kraḍ ifrxan (Danyal, Juhn d Antuni) ddan s yat tagzirt illan g iffus n tmazirt n Kanaḍa, ismas tagzirt n tasaft, g tasga n Ikuṣ tamaynut, g tagzirt ad ufan yat tajjrrart iqqn g yat taddagt, afn ula yan ugguz g wakal irwasn kan wanu irdmn s wakal. Ɣttsn ad ɣazn, ar qqazn g ugguz aɣ n wakal allig nn ufan yat tusut n iẓṛan, zaydn ar qqazn, g 3.6 d 9 mitru, ufanen tusutin n ukccuḍ, mayadd atn iwddjan as gan i wanu ad s ism : Anu n idrimn
| Tamazirt | Kanaḍa  |
|---|---|
| Asdɣr amssugur | comté de Lunenburg |
| Baigné par | baie de Mahone |
| Ismlan ijɣrafiyn | 44°30′45″N 64°17′15″O |
G usggas n 1804, yan umzru nɣd yan uminag, yuckad s tagzirtad ntta d imddukk°al nns, kmmaln f taɣuzi n wanu n idrimn. ɣazn ar 27 mitru, kaygat 3 nid mitru ar gis nn ttafan yat tusut n izṛan nɣ tusut n udccuḍ. dag lkmen 27 mitru, ufanen yan uẓṛu unziɣ nɣdd yat taflallayt, tyaran gis uskkilen n tfinaɣ n tmaziɣt, mac tifinaɣ taqqbuṛt.
Tifinaɣ ad taqqburt n Kanaḍa, yan ur izḍar atn iɣer, ikmml umzraw nnaɣ ar iqqaz ar 33 mitru, nɣ tusut tiss 11, acku tlla tusut kudd 3 mitru. seg tusut ad ad bdant timukrisin, azkka yan ɣlind waman d wanu ar 11 mitru. tarabbut n imzrawn tudja seg wassaɣ arzzu nɣd asxunnj ar wannaz n tafsut g ddan waman. g tafsut, ɣazn anu wayyaḍ taman umzwaru s 4 mitru, ɣazn ar 37 mitru, ɣlind daɣ waman, ḥbsn asxunnj.
G usggas n 1849, tuckad yat tamssurt nvdd amuni, ism nnes « truri » sg tmazirt n kanaḍa, bac atkmmel tawri n usxnnj, s izwer, tamssurt n « truri » tarm ad tjbet ɣaṛ tussifin nɣdd « lɛayyinat » bac atnt awin s usarm nɣdd « lmuxtabaṛ », ɣazn s lmakina n taɣuzi, amẓen tugt n tussifin, afin gisnt : tasaft d 3 n tindar nɣdd « tixṛṣin » n uṛɣ, tindar ad gant tin tamsragt n jjib nɣdd « lmagana n jjib »
Tamsragt ad ufan tyaṣnaɛ inger tusut tis 6 d tiss 7 miladi, mayadd aynna umsmun anamur n urzzu amassan n tmazirt n kanaḍa, g unbdu n usggas n 1850, ɣazn yan walu amaynu, wiss 3, macc dav ifyyeḍ s waman zund imzwwra, d anu amzwaru ixla, aman dadd yaqlayn g wanu maṛɣen nvdd malpen, ḍaṛtt icnubbucn f waman ad ufan tugt n ifran dadd ittawin aman sg ilel s wanu n idrimn dag ad qqazen, ifranadd middn atn iɣazn.
Dag ufan ifran ad, tyaqqen is ur imkin ad sxun aman sg wanu n idrimn, ayaɣ af tamssurt n « truri » tfel mayadd maṛṛa, g usggas n 1866, yan uslmad n tutlayyin g tasga n « dalhawṣ » g kanaḍa, aslmadad isment « jims lici », aslmadadd izḍaṛ ayɣṛ tirra n tfinav daytyaran g uẓṛu dadufan g wanu, ityara gis : « 40 n uḍaṛ s izdar, tlla 2 mlyun n ‘ljunayh’ », lkanz illa 13 mitru ddaw uẓṛu add, g tiss 13 n tusutin.
G usggas n 1909, yan umtwal nɣdd « lmuhndis » d ucrik nns uckand adsxunnjn g tagzirt n tasaft, amtwal ismas « hinri » d ucrik nns ismas « franklin », « franklin » iga anssixf n « timura ymun n mirikan », anssixf wiss 32, « franklin » ar iswwri g usxunnj urta yzri g istayn n 1933, bac ayg anssixf n « timura ymun n mirikan ».
G usggas n 1936, ufan g tagzirt n tasaft yat taflallayt yaḍni ityaran s tfinaɣ mac urta ttiɣṛi yan, g usggas n 1965 yan urgaz isman « dan » isɣa tagzirt n tasaft maṛṛa, taɣɣul tga akal nns, g usggas n 1989, iɣaz gis ar 85 mitru, yufa gis iqqcṛan n idqqi, iṣwwṛd anuad maṛṛa, g tiddi n 75 mitru, iwfa yan uqcqac n ufgan d 3 ṣnaḍqq, macc ur iẓdar atnid yall s uflla,
Tagzirt n tasaft ur sul gis tɣama tasaft, ḍarṭ 200 n usggas n usxunnj, tagzirt kullu tyaɣaz, tagzirt n tasaft taɣɣul tga zund aṛẓiẓ, ur sul nzzḍaṛ agis naf anu aqbur n idrimn, anu amzwaru ijla g wammas n uṛẓiẓ, tagzirt n tasaft ar srs d ttackan vassad uggar n 10 000 n imssiggitn d imallayn kud asggas
Asqqsi : tagzirt n tasaft g tmazirt n kanaḍa tujja maddn maṛṛa d issirimn add allin lknz ad sqsan yan usqsi, mani d ikka lknz s tagzirt n tasaft d mani dkkant tirra n tfinaɣ s kanaḍa ? tugt n iwaliwn aytwannan f f imrsi ad :
- Amzwaru : aritl nɣ tukkṛḍa n ill.
- sin : imnayn n iṛumin atin imtan g tagzirt n tasaft.
- kṛaḍ : lkanz ad iga win ugllid n bṛitanya atyakaras g umnɣi.