Talɣa:Amgrad ifulkin/6
Akalsyum iga yan ublkim ittyawssan is illa bahra ɣ wuxsan d iɣsan d ufṛẓẓu n tglay, dars daɣ yat tilalt n urqqas ɣ ugʷns n tɣrast, Iṭṭaf tamatart n "Ca" ig wuṭṭun nns ablkam Z=20, ikcm ilmma ɣ tgrumma n id waṛẓan ikalann-ilqalann, imma amarku nns ablkam ilkm m=40,078u.
Akalsyum iga yan ublkim ittɣawsan i tudrt n ufgan, ixṣṣa ad gis yili ɣ idammn nns mad ittggan yan unck illan gr 2,2 mmol/L d 2,6 mmol/L, ammaẓ ɣ yan unck yasstwan iga ilmma yan umsaras imqqurn, acku yadlli kra iga tt amukris illan ɣ unck ad ar israg ɣ icabukn ɣ wul ula ɣ ungraw anamag ula ɣ tgẓẓal niɣ d akkʷ ɣ ungraw anzllum.