Tasnilst Tamzrayt

Tasnilst tamzrayt (nɣ d tasnilst n usmzazal) tga tiɣuri n unfal n tutlayt. Taẓlayt ad dars smmus izngumn:

1. Tiɣuri n infaln ɣ kra n tutlayin s uẓlay.
2. Tanazuft n uzarmzruy (préhistoire) n tutlayin, d issnw nnsnt ɣ twjiwin n tutlayin (tasnilst n usmzazal)
3. Asbuɣlu n tiẓiṛin ɣf manmk d maxf aylliɣ infl umsli nɣ tutlayt
4. Aglam n umzruy n tgrummin tisnlsin
5. Tiɣuri n umzruy n tguriwin, tasnaẓɣuṛt

Amzruy d ubuɣlu

Tasnilst tamzrayt tatrart da ittaɣul usakud nns s tgira n tasut tis 18. Tffɣ d zɣ iẓli izwarn n tsnmidit (philologie), tiɣuri n iḍrisn d warratn n tizikt.

Ɣ tuddma, tga yadlli tsnilst tamzrayt tasnilst n usmzazal. tkka tt inn tlla tawna f tutlayin Tind-urubiyin nna ittyussann mzyan, mnnawt gitsnt lant amzruy ɣzzifn n tirra. Ɣrin daɣ f tutlayin turalikin lli igan yat twja yaḍnin nna ur mi idrus wayda ittyuran.

Zɣ wakud ann, llant twuriwin tisnilsin ɣf tutlayin ur igin tiwrubiyin.