Tinawt n Ajdir

Tinawt n Ajdir (s taɛrabt: خطاب أجدير) tga yat tinawt bahra istawhman ɣ tmazirt n Lmɣrib d umzruy n tutlayt tamaziɣt. Ass n 17 ktubr 2001 ɣ tmdint n Ajdir, inna ugllid akswat Muḥmmad wiss ṣḍiṣ is "Tamaziɣt, d adasil axatar n tdlsa tamɣrabiyt". Irna ɣ wawal nns; inna: "Asmɣr n tmaziɣt iga tamasayt tanamurt". Iqqan d i imzdaɣn akkʷ n tmazirt ad amun ɣ usmɣr n tmagit nnsn.

Zɣ wass nna, tkcm tmaziɣt azmz amaynu. Tinawt n Ajdir, tṛẓm idirn imqqurn i tmaziɣt: tkcm tinml, ttwarayn as idlisn s iskkiln n tfinaɣ, tettwaslmd tjṛṛumt d tussna nns. Acku tirra ayd isbddan tutlayt f iḍaṛn nns. Tirra ad as yakkan ad tzri zɣ tsuta s tsuta s tussna nns. Zun d idirn, tṛẓm tinml zun d winna ṛẓmn imassn n umsawaḍ, lumn ttilifizyun. ilmma, tinawt n ajdir tga asurif imqqurn ɣ ubrid n izrfan n ufgan. Acku, zun d wawal zun d tmazirt, iqqan d ad tn nḥḍu d ad tn nssmɣur.