Usman (Tarabbut)

Hann !!! Amgrad ad ixcn ur gis iffuɣ umya ! Llant ukan sul gis tguriwin tuṛḍilin zzɣ kra n tutlayt yaḍnin d/nɣ ur ittyara s tclḥiyt, tḍfurt nit sul twwuri iggutn. Ɣrat aslgn n Wikipidya taclḥiyt bac ad trmsm uggar. Mad igan afssay? iqqan d ad igiddi, ttyukksnt zgis tguriwin turḍilin, d ad ttyusbadlnt s tguriwin timaziɣin

Tarabbut n Usman tga yat ɣ trubba zwarnin s yan wanaw n umarg d uẓawan amaziɣ atrar. Anaw ad ittyawbna f imassn imaynutn, maccan ur rad iẓu d umarg aqbur mqqar t ur irwas.

Talalit

Tra trabbut Talalit nns isggasn n ulatay wis sa n tasut 20, lli baḥra ittyussann s uffuɣ n ufgan sɣ lhul n lɣrrat nɣ d lbarud. Imnaggar d tizi n tgrawla n ufgan f mad t ittkrafn d mad t izẓmawn. Ɣik ann ad tga tmazirt n lmɣrib ɣ isggʷasn n 1960.

Amzruy

Lliɣ ssyafan imslayn n Ugraw Lmrruk x Icnubuccn d Isnifilen n Tussna (ALIIT) (Amrec) mas d iqqan ad snnulfun imassn n twuri nnsn, swingmn ad skrn yat trabbut n uẓawan.

Tarabbut n Yah

Ɣ umzwaru rad ttyawskar yat tamunt ɣ illa Ali Mumen d Brahim Midran. Tamunt ad n uzawan ad ifkan tarabbut n Yah.

Ar asggʷas n 1974, ttyuskar Yah tsat ar teskar iwizn nns zwarnin ɣ tmɣriwin, ar tettaws ɣ twuriwin yaḍnin zun d tin imḥdarn, ar gisn tettals i urarn iqburn.

Iwiz nns imqqurn

Ass n 29 mars ɣ usggʷas n 1975 rad tskr trabbut ad iwiz nns imqqurn ɣ Rrbat ɣ usays n Muhammad wis Smmus.

Tarabbut n Usman

lliɣ izri umussu ad issusm imasayn n tmsmunt, swingmn ad ssnfln ism i trabbut yacki d yan ism ilan tamatart. Mkan af as gan Usman lli irzzan tillas n yiḍ.

Tlul trabbut ɣ llan ɣ wakud ann sdîs inaẓuṛn: Ɛmmuri Mbark d Saɛid Bijɛadn d Saɛid Butrufin d Blɛid Lɛkkaf d Tariq Lmɛrufi d Lyazid Lqurfi.

Amuddu amzwaru

ɣ usggʷas n 1977 ɣ wussan n 5 d 6 ɣ wayyur n Brayr rat tayl usman s tmazirt n fransa, bac ad tettawz asns amzwaru ɣ lulambiyad n Bariz. Amuddu ad da rad tt ismnaggar d imrrukiyn n tmazirt n Fransa d wida baḥra yaɣ irifi n umarg Amrruki, baḥra yak gis win iclḥay n Sus.

Tamdyazt

Lliɣ tlla trabbut, tamẓ abrid ad, tfka yan udm yaḍni i uẓawan Amaziɣ. Ɣ umzwaru, timedyazin da tettirir gant timaynutin, gant tin inḍḍamn da ttaranin amarg yaḍni, amarg n tirra zun d igllin Ɛli Azayku, d igllin n G Ugctim, d Uxyat, d Lmstawi. ɣ mnid yaḍni, Usman ur ar ttirirn s Tclḥit ka, irirn kra n igzzumn s trifiyt d tmaziɣt n wammas. Ran s mayad ad ṛẓn iwtta ngr tantaliwin n wawal Amaziɣ. Ɣmklli daɣ cckcmn imassn imaynutn, fkn yan wudm yaḍni i tiyyt Tamaziɣt.

Lliɣ d sul ur mcuckin igmamn n tarbbut d kra ɣ igmamn n ugraw lliɣ tlul, tbḍa trabbut. Ḍffṛ mayad, llan ɣwilli gisn laḥ ilin kra ɣ inaẓuṛn da iḍfṛn aɣaras nns zun d Ɛmmuri Mbark d Blɛid Lɛkkaf.