Warzazat

Tga Warzazat (s tmaziɣt : ⵡⴰⵔⵣⴰⵣⴰⵜ, s tɛrabt : ورزازات, s tfransist d tutlayin yaḍn : Ouarzazate) yat tiɣrmt illan ɣ tsga n Dra-Tafilalt ɣ iffus anammas n tmazirt n Lmɣrib. Ar as ttinin " Taggurt n tanẓruft " acku tqrrb nit i tnẓruft. Tlla tiɣrmt ad gr idrarn n Waṭlas mqqurn d tanẓruft, ɣayad ast yujjan ad tili s yat tuttuyt ilkmn ar 1151 m i yill. Ar ittini usiḍn lli ittyuskar ɣ usggʷas n 2014 mas tiɣrmt ad zdɣn gis 71,067 umzdaɣ d 15,475 n tawjiwin.

Warzazat ⵡⴰⵔⵣⴰⵣⴰⵜ (tamaziɣt)
Yat tsukt ɣ Warzazat
Ismawn
Ism azayku	ⵜⴰⵎⵖⵣⴻⵣⵜ
Ism amaziɣ	ⵡⴰⵔⵣⴰⵣⴰⵜ
Ism aɛrab	ورزازات
Ism afransis	Ouarzazate
Tamssugurt
Tamazirt	Lmɣrib
Tasga	Dra-Tafilalt
Tamnaḍt	Warzazat
Inigl asaway	45000
Taraɣrft
Asmɣrf	Ayt warzazat
Imzdaɣ	71 067 (2014)
Tanẓẓi	233 hab./km2
Tarakalt
Amsidg	30° 55′ 23″ N, 6° 54′ 15″ W
Tajumma	305 km2
Tattuyt	1 151 m
Takarḍa

Tettuysan Warzazat s tamallayt, tga yat tiɣrmt nna d bahra tkkan irumiyn iɣ d uckan s tmazirt n Lmɣrib. Tama nns nit tlla yan iɣrm bahra ittawsan ig akk UNESCO World Heritage Site, Iɣrm ad iga tt iɣrm n Ayt Bn Ḥddu.

Tettawssan tiɣrmt ad ula s studyuwat n laflam lli gis illan. Kigan n laflan mqqurnin n Marikan ula win umaḍal tettuyṣwarn d tettuytmtaln ɣ ammas n tiɣrmt ad zun d matalan: Lawrence of Arabia (1962), The Man Who Would Be King (1975), The Living Daylights (1987), The Last Temptation of Christ (1988), The Mummy (1999), Gladiator (2000), Kingdom of Heaven (2005), Kundun (1997), Legionnaire (1998), Hanna (2011), The Hills Have Eyes (2006), and Salmon Fishing in the Yemen (2011) ṣwrn-tn d ɣid, ula yat lpartya n lmuslsal bahra ittawsan ad t igan Game of Thrones.

Aẓur n yism

Ikkatinn udɣar lli ɣ tlla Warzazat iga s yism Tamɣzezt . Amma Warzazat lli igan ism nns ɣila tga yan wawal amaziɣ ibḍa s snat tguriwin ad-tn-t igan: War d Zazat, s unamk n " Bla n Ṣḍaɛ " zɛma tiɣrmt ad ur gis illi ṣḍaɛ.

ili ma ittinin mas aẓuṛ n ism ad igat War Zzallat s unamk n Walu timukrisin g tmazirt ad . Acku taguri War g tmaziɣt dars anamk n ur illi.

Asnmkta

Ar ittini usiḍn lli ittyuskar ɣ usggʷas n 2014 mas:

Aslmd

• Asɣl n taqubbanit  : 16,8%
• Asɣl n imzdaɣ lli iɣran ar usinan n usmdi nɣd uggar  : 26,5%

Tadamsa

• Asɣl n imzdaɣ lli llan ɣ isggasn nnsn n twuri  : 47,2%
• Asɣl n tarwuri (middn lli ur ṭṭafn tawuri)  : 17,9%
• Asɣl n imzdaɣ lli swurin dar lmxzn (nɣ kantin swurin gis)  : 30,6%
• Asɣl n imzdaɣ lli swurin ɣ uslig (nɣ kantin swurin gis)  : 41,6%

Anzwi

Illa ɣ Warzazat yan unzwi bahra iḥman acku tqrrb nit i tanẓruft tamɣrabit lli yad ittuyssan s unzwi nns icqqan iḥman ɣ usggwas kullut. Ɣ tiɣrmt ad ar ttili tafukt icqqan ɣ unbdu d uṣmmiḍ ɣ tagrst.

Warzazat

Ayyur	Innayer	Fibrayr	Mars	Abril	Mayu	Yunyu	Yulyuz	Ɣuct	Cutambir	Uktubr	Nuwanbir	Dujanbir
Aklis n lḥma	16.6	19.3	22.2	25.1	29.6	34.1	37.8	37.0	32.2	26.5	20.4	16.7
Aklis n uṣmmiḍ	1.9	4.5	7.4	10.0	13.8	17.7	21.3	20.7	17.1	12.3	6.9	2.4

Tiwlafin

• 
  Yat tsukt ɣ Warzazat
• 
  Agadir n ayt Bnḥaddu
• 
  Agadir Aksar
• 
  Oasis du Fint
• 
  Oasis du Fint
• 
  Agadir n Tawrirt
• 
  Warzazat iɣrm aqbur

Ɣaylli sis izdin

Kommons yan ɣ isnfaṛn n wikimidya tufit ad gis taggʷt: Warzazat.

Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.