Ḥadda Uɛkki
Ḥdda Uɛkki nɣ Ḥadda u Ɛkki (s tutlayt taɛṛabt حادة أوعكي) tga tanaẓuṛt taxatart lli illan g yan waddur d uswir amajgal. Tlul g usggʷas n 1953, g Zzawit n Ayt Sḥaq tanila n tɣrmt n Xnifra g waṭlaṣ amṛwaṣu. Ar tturar tnaẓuṛt nnɣ s tutlayt tamaziɣt s ils n tmaziɣt n waṭlaṣ amṛwaṣu.
Tudrt nns
ssnflTlal Ḥdda uɛkki ɣ gr yat tawja, lli iḥḍan iskkinn isgdann lli izdin d tussna nnɣ, tawja ad s ɣikan ur akkʷ tgi atig i imurig d uẓawan, mdin tizi ann i Ḥadda Uɛkki bac ad tbḍu d urar d uẓawan lli as igan tayri d twngimt. Stahln tt g uwtay nns amẓẓan, s yan uryaz ilkm g uwtay nns uggar n 70 n isggʷasn.
Ikka litihal ann kra idrusn tili tbḍit, tddu tizi ann s Tgmmi tumlilt ɣ usggʷas n 1969 g uwtay nns tizi ann 16 n usggʷas.
Ɣinn g tɣrmt ann a g tmnaggar d unaẓuṛ "bnnaṣṛ uxuya", bac ad skrn tarrbiɛt n umarg lli ikkan uggar n 15 n usggʷas.
Tawuri nns
ssnflKra zɣ tallɣatin lli turar tnaẓuṛt Ḥadda Uɛkki:
- Usar ɛawdɣ
- Imṭṭawn
Tanaẓuṛt titrit n uẓawan amaziɣ lli igan s ɣikan tamɣnast yusin ssiɛr n tmaziɣt, ḥḍant talɣatin nns kigan n umawal amaziɣ d tg agṛḍ ibrrḥn s tmaziɣt islla as ku yan ɣ yan uzmz lliɣ ur tṭṭf tmaziɣt aswir g tsrtit n tmurt n lmṛṛuk. Tnna tnaẓuṛt s ils nns: " Azgn n tasut ddrɣ tt ɣ tẓuṛi, ur akkʷ yadda jju riɣ ad tahlɣ, acku amarg ad igan tayri inu tamzwarut. lliɣ bḍiɣ zɣ litihal, ssfldɣ mas tlla yat tffugla illa gis unaẓuṛ "bnnaṣṛ uxuya", dduɣ sawlɣ sis, kcmɣ ngr trrbiɛt nns, ar tturarɣ, lliɣ nkmml llɣa, sawlɣ srs ullsɣ as i tullist n tudrt inu, lliɣ iẓṛa tumrt inu s imarg d iẓil dars ugṛḍ inu, inna iyi ddu diti s ( tgmmi tumlilt).