Aṭlanṭiṣ

Aṭlanṭiṣ tga yat tmnẓawt tumiyant (tlla ɣ umiyn) da ɣ flsn tuggt n mddn is tlɣi ɣ ugaru Aṭlanṭi kra n wafḍan n isggʷasn ayad. Abdar nns izwarn inṣḍ ɣ mad ittggan 300 dat tlalit, ɣ udlis u Krityaṣ d Timayuṣ lli ganin snat twuriwin n uflsaf Agriki mqqurn Aflaṭun, ar aɣ d ittals is ɣinn tlla yat tɣrma ibuhn iflujjan, maccan imzdaɣn nns ngḍn ɣ gar umudn, ur ar salan amr tixnnubas d tdɣʷlit d tilli xʷcnin, ukan ɣ yan wass tggʷiz d fllatsn tagat n id wakuc, tnnstm akkʷ tmazirt nnsn ɣ yan ḍyiḍ, d lliɣ d ifaw lḥal tettyafa tmnẓawt is kullu tlɣi ɣ yilel.

Taɣrma ijlan n Waṭlanṭiṣ

Umiy n Waflaṭun issusm gigan d mddn n izmaz ggʷranin, lli d iwinin yan ugudi n turdiwin f mani ɣ tlla tmnẓawt nna d manmk a s tnɣuba. yan mnnaw n imsiggiln urmn ad mzalaln kra n uɣaras s isagurn n Waṭlanṭiṣ. Illa akkʷ ma ittinin is rad daɣ tnfalal ɣ iggi ssɣ ugrgabbu (walu).

Amawal

Tamnẓawt tumiyant = قارة اسطورية

Fls = ٱمن

Nṣḍ = ظهر

lɣi = غرق

Buh = ifjjij

Tadɣʷlit = الشر و الخداع

Tixnnubas = الغش

nnstm = اندثر

turdiwin = فرضيات