Adama
Adama (s tudayt : אָדָם, s taramit/tasuryanit : ܐܕܡ, s taɛrabt : آدم), ɣ tfransist taqburt Adan, iga yan umddnu ɣ id Lisfar (Turat d Linjil d Lquran). Ittyawbdar ɣ udlis n unẓam da d yurrin s tifiḍi izwurn talalit n Iccu. Aḍriṣ ad, da f ttyawbnant tɣaliwin n tudayt d tmasiḥt d lislam, Adam iga gis afgan amzwaru da iɣna Rbbi. Immut ɣ ultay n 930 n usggʷas (Anẓam : 5-5).
| Yamu ɣ | Adam et Ève  |
|---|---|
| Anaw nɣ asrtu | awtm, androgynos |
| Ism s tutlayt taymmat | אָדָם, آدم, valeur inconnue |
| Ism amzwaru | Adam, Adam |
| Ḍfṛism | valeur inconnue |
| Assf n tlalit | valeur inconnue |
| Ida n tlalit | Éden |
| Assf n tmttant | valeur inconnue |
| Circonstances de la mort | châtiment divin |
| Timḍlt | tombeau des Patriarches, Golgotha |
| Père | aucune valeur |
| Mère | aucune valeur |
| Asmun niɣ d Tasmunt | Ève, Lilith |
| Tutlayin s ar isawal, d s ar ittara | Tutlayt Taɛibrit, langue adamique |
| Tawuri d mad isala | Amkraz, chasseur ou chasseresse, jardinier, prophète de l'islam, namer |
| Résidence | Éden, Akal (Amtiwg) |
| Étape de canonisation | patriarches |
| Fête | 24 décembre, Q21655885 |
| Partenaire professionnel ou sportif | Ève |
| Participant à | Chute de l'homme |
| Adlis inyafn | Sefer Raziel HaMalach |
| Nommé(e) en référence à | Éden |
| Amsnflul | Dieu en Islam, Dieu, Yahweh, Elohim, Jehovah |
| Matériau | argile, akal |
| Présent dans l'œuvre | Torah, Le Paradis perdu, Genèse 4, Genèse 5, Principe divin |
| Manifestation de | Image de Dieu, père |
Aẓuṛ n yism n Adama
ssnflTasnismawt ar takka mnnaw issfrutn n yism n Adama. Ism amakan n Wadama ("niɣ d Adam") ar ittafa iẓuṛan nns ɣ mnnawt tutlayin tisamiyin. Ɣmkad a s anɣ tmla tiflut n Ugarit is d s tutlayt tagarit, ar ttinin "adm" i ufgan, taguri ad rad tfk ɣ tudayt ism n "Adam", argaz lli igan amzwaru.
Ɣ lisfar n unẓam 2:7, "Iluhim iɣna ha-adam, sɣ wakal n ha-adama". Ha-adam iga t ufgan ilan anamk n "unakal" d "unaluḍ"; ha-adama tga "akal", "tallaɣt" niɣ d "aluḍ".
Lhḍṛt s tguriwin n tsnismt ɣ Linjil trwas tin "homo" d "humus" ɣ tutlayt talatint. Macc aẓur ad lli d ittawin Adam sɣ adama, ur ar ikkat asqqul i manmk a s ar ttyawskarnt tguriwin ɣ wawal n wudayn: iga t sɣ tguri igzzuln s tad iɣzzifn uggar, ɣmkann d usmad n irmmusn. Ukan ɣilad, Adam a rad ifk adama ur d anmgal. Ɣ uḍriṣ ann, akal ur ittyawsmma s "adama" aylliɣ iskr Rbbi taṭumt nns ad iɣnu Adam. Ɣ ma izwurn mayad ikka tt inn ism nns iga "Eretz".
Ism Ha adam (Afgan) ittyasay s unamk nns amgru ɣ ugzzum amzwaru n udlis n unẓam. Ur infil s yan ism iẓlin ar ɣ unẓam 4:25.
Bṛṛa n Lisfar, llan nit kra n umiyn yaḍnin ɣ tmazirt n iming d ikmarn rwasn tanfust ad n Wadama. Zun d Ɣ tḍaluṣt tagrisaffnt n Atrahasis, Takuct Nintu tssmrs tallaxt afad ad tskr tiffugna. Ɣ tsnumiyt tamiẓṛit, akuc n itqqi Xnum, igan yan bu itqqi, ikka tt inn ar isnflul middn s waluḍ.
Adam iẓḍaṛ ad d ikk yan uẓuṛ asami yaḍni, "adom" (azggʷaɣ) zun d idammn, d ittiwrrin s tḍlaṣut tababilt n Inuma Ilic ɣ inɣa Ea Kingu, iskr afgan s idammn nns.
Linjil
ssnfl
Asnflul d urti n ɛadan
ssnflSɣf udlis n unẓam, Adama (s tɛbranit "אדם", sɣ tguri "אדמה", akal d أدم s taɛrabt) ad igan argaz amzwaru lli d iskr Rbbi ɣ wass wis sḍis n usnflul. Rbbi iskr t s ugḍṛuṛ n wakal, isggm t s tawlaft nns, ur ta t ismuss s uṣwaḍ nns. Ɣ tzwiri, Adama iga gis Rbbi argaz d tmɣart ("Rbbi isnflul Adam s tawlaft nns, tawlaft n Rbbi a s t iga, awtm d tutmt, iskr tn.).
Lliɣ inna Rbbi is ur ifulki i ufgan ad iɣama slaɣ nttan, isggm as imudar, yawi tn d s dar Adama ad iẓṛ manmk a rad asn ig s ism. Adama ifka yan ism i kra iga tt yan gisn, is ka ur yufi asmun da as iṛwan. Ukan isgn t ilmma Wakuc, iɣna as yat tutmt s yan uɣzdis nns, niɣ d s yat tɣruḍt nns [n Wadama]. (Abdar n tɣṛuḍt ikka d ukan yan umiy asumari iqburn, ig yat lhḍṛt s tguriwin, taɣṛuḍt d tudrt myaẓnnt nit ɣ tutlayt tasumarit. Lhḍṛt ad s tguriwin tnɣuba lliɣ yaɣul s tudayt).
Adam issn sul tamɣart ann is tga zun d yan ugzzum n tfiyyi sɣ tfiyyi nns d yan iɣs sɣ iɣsan nns,ini nit "tffuɣ d sɣ gis". Adam ira tamɣart ad tg tasmunt nns, Rbbi imuzr tn ad arun, glin imudar, ccin icagan.
Rbbi isrs tayuga ad igan tamzwarut ɣ urti n Ɛadan, bac ad imgr Wadama akal, imatr urti.
Abbay n turfa gr Adama d Rbbi
ssnflRbbi yujja Adam ad iskr kra illan, aysilad utci n waṛṛaḍ n taddagt n tussna n ufulki d uxʷccan, inna as: "sɣ ɣinn, ur rad gis tcttat, acku ass nna rad t inn tcct, rad tmmtt". Algmaḍ (Nahac s tɛbranit), lli ittyawglamn is iga aqrran n imudar akkʷ yaḍnin, infalal, yini i tmɣart, is d Rbbi is ar ka iskirkis, ur rad akkʷ mmtn, macc rad nnuṛẓmn walln nnsn, d kra n twssna tamaynut rad tn tssms d id wakuc.
Tamɣart tmḍa sɣ waṛṛaḍ amgdul, ukan tfk i Wadam ad tt imḍi zaɣd nttan. Macc lliɣ gis mḍan, ẓṛan ixfawn nnsn is azufn, azzln ad ntln. Ittr Rbbi tamrarut i Wadama, lliɣ tn iẓṛa is ntln, isaqsa tn maxx, inna as Wadama: "Ssfldɣ ak a bab nnɣ ɣ urti, kṣuḍɣ acku azufɣ; ṣafi ntlɣ ukan". Isfaw Rbbi is ccan sɣ waṛṛaḍ da igan amgdul, acku lliɣ t isqsa "Mad ak imlan is tazuft?", Adama yagur as d ilmma ad issɣʷẓan abkkaḍ nns, isnil is icca sɣ taddagt ann.
Ilmma itla Rbbi adkkuḍ nns, inna aymir d iqqann tasfsawit ann da ittyawskarn: algmaḍ rad fllas tili tagat, imrurd abadan, tili tnifit gr tmɣart d ulgmaḍ, d gr tarwa nnsn, irnu inna "Tarwa n tmɣart a rad ak iṛẓ ixf a algmaḍ kiyyi rad tt tqqst ɣ wawlẓ". Inna Rbbi i tmɣart "Rad rarɣ arbbu nnm immar bahra, tarut tarwa nnm ɣ umnus d tammara. Tawarɣt nnm rad tili f urgaz nnm, macc nttan a rad am inbḍ." Ɣ tmggarut, inna Rbbi i urgaz "f ɣaylli tskrt, akal igucr. Takrrayt iggutn a s rad d tawit mad tcttat ɣ mad tla tudrt nnk. [...] Tidi n ignzi nnk a s rad d tsmklt aɣṛum nnk, acku tgit agḍṛuṛ rad d turrit s ugḍṛuṛ".
Adam ifka i tmɣart nns ism "Ḥggʷa", Ḥawwa (Tudrt) acku nttat a igan mmas n ifknan akkʷ. Ɣakudann ad ifk Rbbi ilbaḍ n ilm i Adama d tmɣart nns ad tn lsn. Inna taguri nns: "Ha afgan iga sul zun d yan gignɣ, ɣ ustay gr ma ifulkin d ma ixʷcn. Ɣilad, iqqan d ad ur iẓẓl afus nns ad yasi sɣ waṛṛaḍ n taddagt n tudrt, ad t icc, afad ad ur iddir i wabadan". Ɣmkad a s iẓẓa Rbbi ɣ Wadama d Ḥggʷa sɣ urti n Ɛadan, ad mgrn akal sɣ d ffɣn.
Tanfust tini is yuru Adama d Ḥggʷa kṛaḍ n tarwa: Qabil, Habil d Cit, d kra n tarwa yaḍnin ur ittyawbdar ism nnsn, d wayyawn nnsn wan Hnux d Anuc. Adam immut ɣ 930 n usggʷas.
Tanfust n udlis n unẓam tini is d, tẓa n tusutin sul dffr aylli izrin d Wadama d Ḥggʷa, tiffugna da d ilulan sɣ twja tamzwarut tmmut kullu ɣ ungay mqqurn aysilad Nuḥ d ayt tgmmi nns (taldni nns d tarwa nns Yafit d Sam d Ḥam d taldniwin nnsn dɣ nttni), gan d ɣwilli mi ifka Rbbi asmmigl ad daɣ bnun tiffugna. Ɣ Turat, Nuḥ iga amaraw amggaru da ismunn middn akkʷ.
Ɣ lislam
ssnflƔ usgd n Lislam, Adam iga afgan amzwaru da d iɣna Rbbi. Nttan ad d kkan middn akkʷ.
Tagṭṭumt n tfunast: Lliɣ inna Rbbi i inglusn: Skrɣ ad gɣ ɣ wakal yat lxlift", nnan as: "Is d ad gis tgt ma rad tt isgufsu, issnɣal d gis idammn, sul nlla nkkʷni ɣid ar k nsfuẓaṛ, nssimɣur k?" Inna asn: "Ha nn nkki ssnɣ ɣaylli ur tssinm!".
Asnulfu
ssnflAsnulfu n Wadama illa s itqqi.
Rbbi iskr Adam s ufus nns nit. Iṣuḍ gis sɣ iman n tudrt. Lliɣ as isuff iman nns, imuzr inglusn ad as zgdn. Inna asn Rbbi: "Yini Bab nnk i inglusn riɣ ad skrɣ yan ufgan sɣ itqqi. Kud nna t smdɣ, fkɣ as talɣa nns iggʷran, ssufɣ gis s iman inu, zgdat as.'" (Al-Hijr - v:28-v:33)