Adanbala

planète extérieure, géante gazeuse, planète supérieure
Yamu ɣ	système solaire externe
Nommé(e) en référence à	Jupiter
Gentilé	Jovian, Jupiterano, Jovien, joviano, joviana
Lieu	système solaire externe
Orbite autour de	Tafukt
Époque	J2000.0
Tag Stack Exchange	https://astronomy.stackexchange.com/tags/jupiter, https://physics.stackexchange.com/tags/jupiter, https://space.stackexchange.com/tags/jupiter
Caractère Unicode	♃

Amnni ad icqqa ad t tfhmt !
Amnni ad gis kra n iwalwn nna ur iẓḍaṛ yan ad tn ifhm iɣ ur issin ɣ umawal iẓlin n tutlayt taclḥiyt tatrart.
Mad igan afssay ? Fad ad tfhmt mad gis illan tzḍart ad tawst i yixf nnk s umawal lli illan ɣ izddar akkʷ n tasna. Iɣ t ur tufit, tzḍart ad nn taggʷt ɣ imawaln d isgzawaln.

Jubitir nɣ Jupitir nɣ Adanbala (akrraj: ) iga yan umtiwg lli kullu imqqurn ɣ unagraw anafuk, s ubddur imqqurn s 2,5 f imtiwgn ann iɣaman munn, macc ar ittɣama iga ɣar yan zzɣ ifḍ ɣ ubddur n tfukt.

Amtiwg n Udanbala iga amtiwg lli bahra immrwasn d tfukt ɣ tnɣa nns. waxxa txṣṣa tuqqna ns n uhidrujin a ttimɣur s 75 n tkklit f ma ttga ɣilad afad ad ig itri, d ixṣṣa a yimɣut ɣar s 13 n tkklit i ujdr n udyutiryum afad ad ig aguzzal admman.

Tigniwt

Ar ittnnḍ udanbala uggar n kra igat amtiwg yaḍni, s umntil n wannḍ ad ar ttilin kra n ijawwan iggutn ɣ tsna nns, d maya d a immntiln ɣ uddnki n n tigniwt zzɣ tasgiwin ku tasga tṭṭaf aklu nns. zund tandiwin d ijawwan inmgaln n ijawwan ilɣuɣn.

Ayyurn

Iṭṭaf umtiwg n udanbala azwil n ayyurn i kullu imqqurn ɣ unagraw nɣ ar lkkmn ar 79 n wayyur macc mẓẓin kigan abla kkuẓ ad igan ayyurn imqqurn assaɣ nnsn: galilu - uṛuba - janimid - kalistu, d iga janimid ayyur amqqran kullu ɣ unagraw anafuk d ittugr akk° amtiwg n uzwaq.

Ayyurn igaliliyn

Ɣ 1610, yufa Galili kkuẓ n iyyurn mqqurnin ittdwwarn f Jubitir. Ismma asn "Imtiwgn imidisiyn" fad ad yall ssiɛr i igldunn n twja n Midisis. Tga tuniẓt akk iwzarn n kra n wayyur yaḍn ur igi win Akal. Ganimid iga ayyur akk mqqur ɣ ubddur anafuk, iṭṭaf 5 262 km ɣ waqqa. Caliṣṭu, iṭṭaf 4 821 km, illa ɣunct n Azwaq. Iyu d Urupa ṭṭafn yat tiddi irwasn i tin Wayyur n wakal. Ayyur wiss smmus iga t Amalṭi, tiddi nns ur tzri 262 km. Kraḍ ɣ wayyurn ad igaliliyn (Iyu, Urupa d Ganimid) qrrbn bahra i Jubitir.

Tamdayt

Iga udanbala tafgga tiss kkuẓt immu iggut usmrqqi nns ɣ ignwan nnɣ ffir n tafukt d wayyur d umaḍan, d ittuẓḍaṛ a ittuẓṛa ɣ ḍyyḍ.

Tanɣa

Ar iddnkay umtiwg n udanbala zzɣ tangiwin imaslakn d imṭṭi (ablulu), d ur iṭṭaf tasna.

Taduli

Ahidrujin igan imṭṭi nttan ad igan amnhaḍ f igr amqqran n umtiwg ad, idusn s mraw n tikkal f wakal, d udwas n usfaylu amɣnaḍisan idusn s ma ilkkmn ar 20.000 n tkklit f asfaylu n wakal.

Wul

Ar ittuɣal mas iṭṭaf udanbala adasil imnẓi, d uddnkay n ul ur bahra igi amnɣud, d ur ittussan mas iga imṭṭi nɣd iqqur, macc ar ittuɣal mas iqqur.