Agadir Uflla

Agadir Uflla
Agadir Uflla
ⴰⴳⴰⴷⵉⵔ ⵓⴼⵍⵍⴰ (taclḥit)
	Ixrban n Agadir uflla
Asmnid
Anaw	Iɣrm
Asggwas	1540
Tasut	Tis-sḍis d mraw
Tarakalt
Tamazirt	Lmɣrib
Tasga	Sus-Massa
Tamnbaḍt	Agadir-Idawtanan
Tamdint	Agadir
Takarḍa
	0°0′0″N 0°0′0″E

Iɣ ur igi wad amnni lli tsiggilt, kcm s tasna n Agadir afad ad tẓṛt imnnitn akkʷ nna dar illa yism zun d wad!

La page Talɣa:Infobox/styles.css n’a pas de contenu.

Iɣrm n Ugadir Uflla iga yan ugadir bahra ittawssann ɣ tmazirt n Lmɣrib, ila atig dar imzdaɣ n Ugadir acku iṭṭaf yan umzruy imqqurn, ɣinn aɣ t inn tkka tɣrmt taqburt n Ugadir, iḍr d gis ma ur idiusn lliɣ yut undudi da izrin f tɣrmt ad ɣ usggʷas n 1960, iga ɣilad ɣar amrdul.

Aẓur n yism

Ism nns d ittawsan ddu wassaɣ n Agadir uflla, li d ikkan tutlayt taclḥit, ɛnan sis agadir lli d illan ɣ uflla, acku illa iɣrm ad ɣ iggi yan udrar illan ɣ tuẓẓumt n lmdint, d ar itbayyan zɣ izddar zun d iɣ illa ɣ uflla. Gan as ism ad n Agadir uflla. d nttat nit aɣ tusi tamdint n ugadir yism nns aylliɣ tga ɣilad s yism Agadir.

Amzruy

ittuyssas iɣrm ad n Agadir Uflla ɣ usggas n 1540 s ifassn n uṣulṭan Muḥammad Ccix Ssaɛdi fad ad itḥkkm ɣ imnɣi nns mgar ibrṭqqiziyn lli d israqrrn ddu udrar ɣ usggas n 1470 lliɣ tn kkan ar tllin s ubrid s Lhnd. Bnnan ɣ uftas taman yill yan ugadir ɣ udɣar nna ɣ tlla tuddurt n Funti ɣilad. d bnan ula ɣ taman udrar yan lburj yaḍn fad att sis ḍufn. Ɣayd ad yujjan Isaɛdiyn ad bnun iɣrm ɣ afa n udrar ann nit.

Manka s ittuybna iɣrm

Ittuybna iɣrm zɣ umzwaru fad ad sis mmaɣn bac ad sis ḥmun tamdint d uftas nns zɣ irumiyn d ubrrani.

Asggʷas n 1505: Isrs-d Aqḍban abrṭqqizi Jwaw Lupiz Di Sikwira iẓṛan imzwura n ubnnu n yan lqlɛa imẓẓiyn fad ad iḥmi aɣbalu n waman mmimnin.^[1]
Asggʷas n 1511: Hjmn tiqbilin tisusiyin lhujum nnsn amzwaru f ibrṭqqizn lli d istaqrn ɣ ugadir.
Ɣ usggʷas n 1513: Isɣa ugllid abrṭqqizi Manwil Amzwaru agadir ann mẓẓiyn d iga y'as s yism Santa Kruz Di Kip Di Jir ("Santa Kruz Du Kapu Di Ajwir")
Asggʷas n 1536: Iɛln aṣulṭan alqaym bi amr llah assaɛdi s imnɣi mgal ibrṭqqizn aylliɣ yumẓ iwis Muḥammad Ccix Ssaɛdi f tamdint.
Asggʷas n 1540: Yaɣul-d nɣ yuḍa-d Muḥammad Ccix nttan aygan amɣar anbbaḍ, ibna iɣrm, iga y'as ṣṣuṛ bac ast iḥṣn, d isḥiyyl gr 40 ar 50 mikḥala bac ad dafɛn f tamdint.