Caṛlman

Caṛlman (S Tfransist: Charlemagne, s Tallatint: Carolus magnus) yiwi ula assaɣ n "Caṛl Amzwaru d Umqqran" , iga agllid n Ifṛankiyn gr usggʷas n 768 d 814 d win Lumbard (774-814), ig amnkud f tmnukda n utaram gr 800 d 814 lli ismunn kṛaḍt tamttiwin ad tnt igan d ifranṣiṣn d Lalman d ṭṭalyan, yat tmnukda iflan ayad da iɣʷin sɣ ugarru Aṭlanti ar yill Ablṭiq, sɣ idrarn n Birini ar asif n Ddanub ig yan wudm yiwin ajahcca ɣammas wamun n iṛmmuyn ɣ wakud ann, ilul d ɣ wis sin n Brir n usggʷas 742 ɣ wakal n Bljiga n ɣassad, immt ɣ wass n 28 Ynnayr n 814, ikka tt inn ar isasra awttas ad iskr yat Urubba imunn s usgd Amasiḥi, ila yan ufus ɣ mad as ismn tankra Takaṛulingit acku issbɣs assudr n tdlsa d ulmmud, iṛẓm tinmal d tsdlisin d Tskribturt (Ɣilli ɣ ar smattayn iḍṛiṣn) ɣ kullu tmizar kcmnin ddu tmnukda nns.