Ddrst

Ddrst, ar tt inin i trabbut n middn…tajjuqt… n irgazn niɣ timɣarin niɣ tifrxin niɣ dd igḍaḍ d imilliwn… inin adrras i ugadr igzzuln, niɣ i kra n tgudit n iẓṛan imunn yat f iggi n yat. Zɣ zikk gan middn assaɣ n ddrst i wanawn n iḥwacn ɣ mmrwin iẓawann d imussutn…kra iga tt tamazirt manik dars iga uḥwac n ddrst.

G udrar n drn n waṭlas mqquṛn

Llan sin wanawn d twila n uḥwac n ddrst. Amzwaru illa g Imi n tanut, Imntagn d Ida umḥmud, ar gis ttḥwacn irgazn d tfrxin lli ur itahln, gn sin imaɣʷdn imgabaln, ar smurign ar ttḥwacn.

Yili wis sin illa ɣ tqbilin n Ida Uzdaɣ ɣ imadliwn n iffus n udrar n drn, iẓẓlmḍ n nnabha d ixf n wasif. aḥwac ad n ddrst ar gis ttḥuwcn irgazn ɣ yan umaɣʷd, ilint tfrxin ar disn  ttḥwacnt ɣ mnid nnsn, ar ttḥwacnt tfrxin ɣ wanaw ad n uḥwac s mk nna rant s tɣarast lli tnt issusmn, af ad tsbaynt afulki nnsnt, i walli rant issusm tnt. Tamẓ ɣ ufus nns yan ujway umlil ig tamatart n uɣus d wafulki.

G tmnaḍt n Ida Uzdaɣ ar smurign tamdyazt n Tazrart tga tamdyazt bahra iɣzzifn ar tt ttggan ɣ umarg n uḥwac n Ddrst. G Awluẓ ar ttinin i uḥwac n ddrst Ajjukṛ, lliɣ a ssfaln aḥwac s uẓawan idrusn, ar ittaywwul imikk s imikk ar d lkmn ttmi n zzrb ɣ uḥwac, ar t ttḥwacn irgazn ula timɣarin. G Taliwin ar as tt inin ddrst, ar gis ttḥwacn irgazn waḥdu tn, irwas uḥwac nnsn win Awluẓ, acku lliɣ mḥadan iqbiln ad s sin.

G udrar n waṭlas mẓẓiyn

tawalt n ddrst tga ism n middn lli itt ḥuwcn, macc aḥwac nttan iga anawn.