Faṭima Mrwan
Faṭima Mrwan nɣ Faḍma Mrwan (tlul ɣ 1952) tga yat taḍbibt, ixf n tamssntit d tamɣart n tsrtit tamɣribit. Zɣ 2002 ar 2005, tswads afrdis n tasnadrt d timuḍan imiṭabulikn n ṣṣbiṭaṛ CHU Bnu Rucd ɣ Tigmmi tumlilt.[1] Slawann akk ddu tanbaḍt n amawsas amzwaru Ɛabdlilah Bnkiran, zɣ uktubr 2013 ar abril 2017, tkka-tt-inn tga tamawsast n tiniḍi d tadamsa tanamunt s tagmamt nns ɣ Ugraw anamun i insimann.[2]
| Anaw nɣ asrtu | unti  |
|---|---|
| Tamazirt n tɣlant | Lmɣrib |
| Ism s tutlayt taymmat | فاطمة مروان |
| Ism amzwaru | Faṭima |
| Assf n tlalit | 1952 |
| Ida n tlalit | Bn Sliman |
| Langue maternelle | Tutlayt tamaziɣt |
| Tutlayin s ar isawal, d s ar ittara | Tutlayt tamaziɣt, taɛrabt |
| Tawuri d mad isala | endocrinologue, personnalité politique, médecin |
| Employé(e) par | université Hassan-II |
| Scolarité | université de Lyon |
| Parti politique | Rassemblement national des indépendants |
Tudrt nns
ssnflTlul ɣ 1952 ɣ Bnsliman ɣ ugmuḍ n Tigmmi tumlilt, tɣra Faṭima Mrwan tasnijjit ɣ ammas n tasdawit n Lyun ɣ Fransa. Taɣul-d tga taslmadt d taminagt ɣ tazuni n tasnijjit d tasasfrt ɣ ammas n tasdawit n Tigmmi tumlilt. Tamẓlayt ɣ tasnadrt d taṛkẓi n tirmt, tswads tanafut n tasnadrt, n aṭṭan n sskkar d tirmt ɣ ṣṣbiṭaṛ Bnu Rucd n Tigmmi tumlilt. Tga Mrwan tagmamt ɣ ammas n tasqqimt tamɣribit n umlasay mgal tamaḍunt n sskkar.[3] Tlkm akk s yixf n Smedian (Tamssurt tamɣribit n tasnadrt, tɣuri n tamaḍunt n sskkar d tiram).[4] Taws Faṭima Mrwan ugraw amassan s kigan n tiwriqin d tasniwin imassann.[5]
Ɣ yigr n tsrtit, tga Faṭima Mrwan tagmamt ɣ ammas n Ugraw anamun i insimann, tdru ɣ uskar n iɣawasn n tdusi d usgmi. Zɣ wayyur n uktubr 2013 ar wayyur n abril 2017, tkka-tt-inn tga tamawsast n tiniḍi d tadamsa tanamunt.
Tga Faṭima Mrwan tagmamt ula ɣ usqqim n tamssugurt n tamsmunt n timdinin tistmatin Tigmmi tumlilt Cikagu. Da tsawal s kraṭṭ tutlayin ad tnt igan d taɛrabt, tafransist d tanglizt.[6] Tg daɣ tagmamt ɣ usqqim amassan n Destination Santé S.A.S, tkka-tt-inn ar tswurri ula ɣ California Cardiology Clinic illan ɣ Tigmmi tumlilt.
Faṭima Mrwan tahl d teṭṭaf sin warrawn.
Isaɣuln
ssnfl- ↑ «Fatima Marouan» Bloomberg. Récupéré le 16 octobre 2018.
- ↑ "Mme Fatema Marouane: ministre de l'Artisanat, de l'Economie sociale et solidaire" MAP Express
- ↑ Biographie de Mme Fatema Marouane: ministre de l'Artisanat, de l'Economie sociale et solidaire [PDF] Royaume du Maroc.
- ↑ Faṭima_Mrwan- Bladi.net
- ↑ "Les contributions scientifiques de Fatima Marouan" Porte de la recherche
- ↑ Fouzar, Loubna (11 octobre 2013) Profil de Fatema Marouane, Ministre de l'Artisanat, de l'Economie Sociale et de la Solidarité Maroc World News