Igjda n Hirkulis

Igjda n Yiraql (s tmaziɣt: ⵉⴳⵊⴷⴰ ⵏ ⵀⵉⵔⴽⵓⵍⵉⵙ, s tlatint: Columnae Herculis, s tgrikt: Ἡράκλειαι Στῆλαι Erákleiai Stílai) nɣ Igjda n Waṭlas iga ism azayku lli tn ikkan ɣ uzmz n ayt tagrikt. Ar sis tqṣaḍn idrarn s sin lli illan ɣ tmi n Urupa ɣ iffus d Tafriqt ɣ ugafa, ad tn t igan: Adrar n Musa (nɣ Adrar n Abyla s yism nns azayku) ɣ ugafa n tmazirt n Lmɣrib, d Aẓru n Djabal Ṭariq lli itabɛan i Lingliz.

Yat tnqqact n Igjda n Herkulis ɣ tiɣrmt n Sbta.

Kkan-tt-inn irumiyn n uzmz azayku skrn ɣ Igjda n Yiraql zund kra n iwtta gr umaḍal lli ɣ tlla taɣrma (ma mu ttinin s tlatint: Mare nostrum) d yill Aṭlasi s ɣinna lli icqqan.

Amzruy

Adrar n Musa, yan zɣ Igjda n Herkuli lli illan ɣ tfriqt ugafa, ittuyẓrran zɣ Tarifa, ɣ tsga yaḍni n Djabal Tariq.

Mad ttinin irumiyn

Lliɣ yumẓ Yiraql aɣaras nns s ugdal n Hesperides ɣ ammas n tgzirt n Iritya. Ikka-tt-inn ḍaruri ixṣṣa ad izri f yan udrar ikka-tt-inn iga s yism Aṭlas, ɣ udɣar ayɣli s udrar ann, iga yas tazmrt icqqan nns afad ad izri udrar ann zɣ tuẓẓumt nns at lliɣ d iffuɣ ɣ tsga yaḍni n udrar. S tɣarast ad as ismun Iraql yill agrakal d yill aṭlasi tiklt tamzwarut d iskr ma mu nttini ɣila Imi n Djabal Ṭariq. Ɣayad ar aɣ ittini zɛma mas Adrar n Musa d Izig n Djabal Ṭariq gan ɣar ɣaylli d iciḍn zɣ idrar azayku n Aṭlas.

Mad ittini Diodorus

Diodore Siculus, yan unmzruy agrik, ikka-tt-inn ar ittals mas Herkulis ismun iftasn n Imi n Djabal Ṭariq lli tn yad ikkan mac ikka-tt-inn iwsɛa bzzaf (urd zund ɣaylli ttinin irumiyn) bac ad ur yajj imẓiwn n yill aṭlasi ad kcmn s yill agrakal.