Inzggan

Inzggan tga yat tiɣrmt illan gr Ugadir d Ayt Mllul, tg tamaẓunt n tmnbaḍt Inzggan–Ayt Mllul nna illan ɣ tmnaḍt tamssugurt n tsga n Sus–masst, skrn t iɣwwaɣn n Fransa tizi lliɣ d ɣuɣn s tmazirt. Stin t ɣ yat twrirt mẓẓiyn ikkan f iḍuṛan lli yas issutln afad ad tg accbaṛ n tiḍaf f imzdaɣn n waksimn d imsgginn. Imik ittiskar gis ubiru n lqqayd, ssuq n ttlaṭa, tiḥuna, s tgʷmma aylliɣ akk tkka f iḍuṛan lli aɣ adlli zdɣn middn zun d Tarrast, Lmẓaṛ, Takaḍ, Timṛṣit ...

Inzggan

tagrawt

Ism amaddud	انزكان, Inezgane
Ism ɣ tutlayt taẓuṛant	‫إنزكان‬, ⵉⵏⴻⵣⴳⴰⵏ
Tamazirt	Lmɣrib
Tamaẓunt n	Tamnbaḍt n Inzggan-Ayt Mllul
Asdɣr amssugur	Tamnbaḍt n Inzggan-Ayt Mllul
Ismlan ijɣrafiyn	30°21′57″N 9°32′17″O

Inzggan ur adlli ttiyskar afad ad tg tamdint mqqurn. Ar d ttagur zun d kra n tgzirt iɣ d fllas ingi wasif n Sus issutl as. Mrad is ur tattuy ur rad sar tg tamdint. Ɣassad tga tamdint, mqqar tmẓẓiy tugr tt taqqurt nns. Wanna rad isɣ urɣ, nnqqrt, timlsa ɣ Ugadir, ur ikki man i Inzggan.

Tga Inzggan yat tammast n wassay bahra imqqurn. Ar gis ittmniggir uɣaras anamur amzwaru wiss 8 d wiss 10.

Azal nɣ atig

Inzggan iga anmuggar n tsbbabt nna akk imqqurn ɣ tsga n Sus–masst. Yan zɣ inmuggarn lli bahra ittwattasn middn bac ad sɣin kraygat taɣawsa. Illa gis wunuz s tbḍit ula s ugudi. Zdɣn gis uggar n 112 753 n imzdaɣn ɣ usiḍn usggʷas 2004. Iga wass n usinas ass imqqurn ɣ ugadaz. Mac amussu n tsbbabt illa ku yass ɣ Inzggan zɣ uzal ar diyiḍ.

Asnmkta

Ar ittini usiḍn lli ittyuskar ɣ usggʷas n 2014 mas:

Aslmd

• Tigmiḍi n taqubbanit (middn lli ur ssin ad aqran wala ad ttaran) : 26,1%
• Tigmiḍi n imzdaɣ lli iɣran ar usinan n usmdi nɣd uggar : 16,5%

Tadamsa

• Tigmiḍi n imzdaɣ lli llan ɣ isggasn nnsn n twuri : 49,5%
• Tigmiḍi n tarwuri (middn lli ur ṭṭafn tawuri) : 16,2%
• Tigmiḍi n imzdaɣ lli swurin dar lmxzn (nɣ kantin swurin gis) : 8%
• Tigmiḍi n imzdaɣ lli swurin ɣ uslig (nɣ kantin swurin gis) : 48%

Tasɣnzit

Inmuggarn lli gis illan :

• Anmuggar n ṭṭlata (ku imalass)
• Anmuggar n lxʷḍrt (ku yass)
• Ssuq mẓẓin (ku yass)

Akal

Gan Waksimn taqbilt illan ɣ wakal n inzggan. Nttni ad tt-nn ikkan ar skarn ssuq n ṭṭlata kraygat imalass ɣ Inzggan.

Udmawn

• Saɛd-Ddin Lɛutmani, anssixf amzwaru n tmazirt

Ɣayli sis izdin

Kommons yan ɣ isnfaṛn n wikimidya tufit ad gis taggʷt: Inzggan.

Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.