Tiznit tga yat tmdint illan ɣ unẓul n Lmɣrib, tga tamaẓunt n tamnaḍt n tznit iḍfaṛn i tsga n Sus-Massa. Taggug s 15 km f ugaraw aṭlasin s 81 km f unẓul n Ugadir, s 203 km f unẓul n Mugadur, s 271 km f unẓul n Mrrakc d s 553 km f unẓul n Rrbaḍ. Imzdaɣn n Tiznit gan imaziɣn isusiyn iclḥiyn ar sawaln s tutlayt taclḥiyt. Uggar n 74 699 n mddn ad gis izdɣn. Ar ntini i imzdaɣn n tznit "Ayt Tznit ". Tiɣrmt ad tṭṭaf tarabbut n takurt nna mi iga ism "amal tiznit", tlla ɣ uskfl wiss smmus.

Tiznit
Lmɣrib
Tamssugurt
TamazirtLmɣrib
TamnaḍtTamnaḍt n Sus-Masst
TasgaTasga n Tiznit
TagrawtTiznit
Ism amaddud تزنيت
Tiznit
Ism aqqbur ⵜⵉⵣⵏⵉⵜ
‫تزنيت‬
Tajɣraft
0°0′0″N 0°0′0″E
 29°42′00″N 9°43′37″W / 29.7°N 9.72694°W / 29.7; -9.72694
Tattuyt 244 m
Tdimuɣraft
Imzdaɣn 74 699 n imzdaɣn (2014)
Takatin 18 420
Umlan yaḍnin
Akud adigan UTC±00:00
Timdinin tikniwin Saint-Denis, Somerville d Izmit
tiznit.ma

Tlla tmdint n Tiznit ɣ unẓul n tmdint n Ugadir ɣ tsga tanẓulant n uzaɣar n Sus, tlla ɣ yan uzaɣar tili dis tiṭṭ tazgzawt izddign, tjbd kigan n ifgann istin ddrn gr-asn s taḍfi.

Ar as ttinin kra n iminag "tamdint tanbbaḍt"n ar as ittini kra yaḍn "tamdint taḥssanit" f Lḥasan amzwaru nna tt id ikkan asggʷas n 1882 ig tt d ammas amxzni iẓiln. Aynna ad tt igan d tamdint taxatart ddun srs kigan n imassann d inskal d iṣufiyn.

Ddan srs awd inadn d inaẓurn afad ad awsn ɣ ubuɣlu aẓuran n tmdint ɣ igran n taska d uẓawan d tẓuri tazzulant nna iẓlin s tizuzaf n nnqrt.

Tga tɣrmt n Tiznit zɣ tmdinin ixatrn nna ɣ llan idrizn d tayssi iẓiln, tlla gis tamguri n tizuzaf n uẓrf (nnqrt) nna iẓiln f kul tmdinin n Lmɣrib, tzri mayad n tazzult ɣ kigan n iskkin nna tt id issufɣn s anamk nna s tlla ass ad, maca tssn tazzult n uhyya n uẓrf (nnqrt) yat tmrniwt taxatart, acku tmmatti zɣ tmguri tamzzant n ufus s tamguri n imis.

Amzruy ssnfl

Taqssist nns nnan willi zrinin yat tamɣart d waydi nns kkan aɣaras ukan jlan yaɣ tn fad ilmma aydi nns iqzz g wakal ffaɣn d aman afn ilmma lɛin lli mu ssaɣn middn ɣil ad lɛin aqqdim, safi ilmma tzdɣ ɣinn nttat d waydi nns ilmma ar ttimɣur tznit imik s imik ar timiḍi n 19 iskr gis agllid lḥasan amzwaru tiɣrmt bac ad tḥsar amddurruy zun d Fransa d Sblyun d Brtqqiz, ibna gis yan uɣrab nɣ d ṣṣur issutl i tɣrmt kullu tt iṭṭf ṣḍiṣt tggura mqqurnin zun d Bab Aglu, Bab Lxmis...

Ɣil ad Tiznit taẓ ad tlkm 80 ifḍ n midn d uggar n 140 ifḍ ɣ liqqlim kullu t ismun lɛarba n Siḥl, Aglu, Tafrawt....

Asnmkta ssnfl

Ar ittini usiḍn lli ittyuskar ɣ usggʷas n 2014 mas[1]:

Aslmd ssnfl

  • Tigmiḍi n tqubbanit (middn lli ur ssin ad aqran wala ad ttaran) : 22.2%
  • Tigmiḍi n imzdaɣn lli iɣran ar usinan n usmdi nɣ d uggar : 13.7%

Tadamsa ssnfl

  • Tigmiḍi n imzdaɣnn lli llan ɣ isggʷasn nnsn n twuri: 45.2%
  • Tigmiḍi n tarwuri (middn lli ur iṭṭifn tawuri): 14.4%
  • Tigmiḍi n imzdaɣn lli swurin dar lmxzn (nɣ kantin swurin gis): 23.3%
  • Tigmiḍi n imzdaɣn lli swurin ɣ uslig (nɣ kantin swurin gis): 40.6%

Tasbbabt ssnfl

Iga iɣrm n Tznit nli ibiddn f tsbbabt n Idukan d uẓrf (nnqqʷrt) d tyrza, ɣ uzmz n unbdu ar d srs ttackan middn, ar gis zrayn ussan n usunfu.

Tamallayt ssnfl

Tiznit tettyawssan bahra ɣ umaḍal s tmalayt ar d sis ttackan iṛumiyn.

Tiwlafin ssnfl

Isaɣuln ssnfl

  1. RGPH 2014 - Site HCP

Ɣayli sis izdin ssnfl

 
Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.