Taṣṣurt

Taṣṣurt neɣ Mugadur (s taεrabt: الصويرة) Tigzirin n Amugadul llant twayssannt yakan ɣ tasut tiss VII dat Ɛisa s dar ifiniqiyn, iqarṭajiyn d Ruman.

Tamdint taqdimt n Taṣṣurt, ɣiklli d tettbayan ɣ yill.

Tga Taṣṣurt yat tmdint illan ɣ izzlmḍ n Iḥaḥan. Tlla ɣ wakal n tqbilt tiḥiḥit n Ida Ugrḍ.

Aẓur n wawal

Azmz n Tassurt

Ism n Taṣṣurt ikka d ṣṣwira lli igan ism aɛrab. Ism ad ifka yas-t uslṭan aɛlwiy Muḥmmd U Ɛbd-llah lliɣ tt daɣ iṣlḥ ɣ 1760.

Ɣ uzmz n ugllid yuba wiss sin, tettyabdar s ism n "Tamuziga". Amma ɣila ttyafkant kigan n turdawin f aẓur n ism Mugadur nna fkan irumiyn i tmdint ad. Mac tanna akk° gisn iṣḥan tga tt xtad iḍfarn: Ism n "Mugadur " ibayn d tikklt akk° izwarn ɣ yat tkrḍa n Pizzigani ɣ 1367. Ɣ tasut tiss 11, ibdr Lbkri ism n "Amgdul " lliɣ isawl f tmdint ad ɣ udlis nns " Lmasalik Wa Lmamalik ".

Illa mad ittinin mas ism n "amgdul " ikka d tutlayin tisamiyin, mac icqqa ad iṣḥu wawal ad iɣ nssn is iga uẓur " g–d–l " yan uẓur iqdimn ɣ tutlayt tmaziɣt, yili ɣ tmzarayin nns kullu tnt, ilin kigan n inafuɣn nns, ur d ɣar "amgdul" ilin daɣ kigan n wansiwn lanin ism n "amgdul " ɣ umṛṛuk nit. Ur imkin ad d kullu kkin kra n tutlayt tasamiyt.

Illa mad fllas ittinin "mm ugḍrur " s taḍsa, acku ar gis ittigut rriḥ, iskr agḍrur.

Asnmkta

Ar ittini usiḍn lli ittyuskar ɣ usggʷas n 2014 mas:

Aslmd

• Tigmiḍi n taqubbanit (middn lli ur ssin ad aqran wala ad ttaran) : 22.1%
• Tigmiḍi n imzdaɣ lli iɣran ar usinan n usmdi nɣd uggar : 16.5%

Tadamsa

• Tigmiḍi n imzdaɣ lli llan ɣ isggasn nnsn n twuri : 52.5%
• Tigmiḍi n tarwuri (middn lli ur ṭṭafn tawuri) : 17.4%
• Tigmiḍi n imzdaɣ lli swurin dar lmxzn (nɣ kantin swurin gis) : 17.3%
• Tigmiḍi n imzdaɣ lli swurin ɣ uslig (nɣ kantin swurin gis) : 43.6%

Isagmn

• Lakhdar Omar, Mogador, mémoires d'une ville.
• Lakhdar Omar, Sur les traces de Castello Real à Amagdoul.

Ɣaylli sis izdin

Kommons yan ɣ isnfaṛn n wikimidya tufit ad gis taggʷt: Mrrakc.

Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.