Talɣa:Aggur:Tadlsa/Tanfust tamaḍlant
Vasilisa Tafalkayt (s tarusit: Василиса Прекрасная, Vassilissa Prekrasnaïa) tga yat tnfust tarusit ifulkin, tettawssan bahra. Yurat Alexandre Afanassiev ɣ udlis nns Tinfusin timadnaninn tirusiyin, Ddu uṭṭun wis 59. Isuɣlt s tclḥit amara imqqurn Muhemmad Akunad.
Asuɣl n tnflust
ssnflZikk llin bahra yaggugen, as tin ikka idder yan urgaz yegan awessar, nettan d temɣart d illi tsen lli mu ssaɣen Vasilisa tafalkayt.
Tumert d tadawit as ddren ɣ yat tgemmi mêzziyen n ukeccûd lli ttâfen, mac tefta yasen tudert an immimen ass lli d idêr yan wattân yamêz tamɣart lli. Ass lli tssen is rad sul ur tnker ɣ wattân an, tssen is tt tâz tmettant nnes, tɣêrad i illis tefk as yat tlulluct, tini yas: "Hêddu darem ayelli talulluct ad as tt ur tmelt i meqqar ed yan. Akud nna tellit ɣ kra n tassast. Fek as ar ed tecc tsuter tst ad am tawes ar ed gis teffaɣt. han rad am tawes.) Tamêz ilemma tamɣart lli illis tessudem tt, ur tekki amya tmmet.
Yalla uwessar lli f temɣart nnes ayelliɣ fetant ad bukêdent wallen nes. Mac ɣ tigira yiwel yat tmettût yâdnin. Iɣal iglin is rad teg i illis zund innas lli imutten.
Mac uhuy! Ur tegi xettad amer yat tuqjirt d txeccant n temɣarin. Tamettût tiwi d dides snat tferxin lli mu gguten ibejggiten mac nettat gant dars zund allen nnes. ɣ tɣezi n wass ar tent helli thêllil. Mac tzerzâg tudert i Vasilisa tegllint. S krât itsent ar tzzînt Vasilisa. Ar tt kkatent. Ssermintst s twuriwin. Ran tt ad temdu d wad as tejder tafukt d wâdu afulki lli dars illan. ɣ tɣezi n uzal, ur ar tsseflid ɣ tgemmi amer i ɣemkad : « Vasilisa », azzel ad teskert tiremt ! « Vasilisa » azzel sɣus tigemmi ! ddu awid ikeccûden ɣ tagant, zzîg tisitan. Azzel uggar n ɣemkad lli s tazzalt.