Tasnurayt tamɣribit n tẓḍaṛt tasulant

Tasnurayt tamɣribit n taẓḍaṛt tasulant (s taɛrabt: الوكالة المغربية للطاقة المستدامة, s tafransist: Agence marocaine pour l'énergie durable, s tanglizt: Moroccan Agency for Sustainable Energy, s usgzl: MASEN) tga yat tamssurt tagdudan tlla ɣ tmazirt n Lmɣrib, tbda ɣ usggʷas n 2010, d nttat ad yusin tamstggart n uswuddu n yigr n tiẓḍaṛin ittusmaynun ɣ tmazirt. Tra tasnurayt tamɣribit n taẓḍaṛt tasulant ad tskr usbuɣlu n iẓgʷran nna tumẓ bac ad tslkm anjjm n ufars n tifawt nɣd ḍḍuw s 3000 migawaṭ ɣ usggʷas n 2020 d 6000 migawaṭ ɣ usggʷas n 2030. Awttas n mayad iga t abzar ɣ urzzu n uwttas n tmazirt ad t igan d tsɣli tigmiḍi n tiẓḍaṛin ittusmaynun ar 52% n taẓḍaṛt lli d ittṣyab Lmɣrib dat ad tlkm 2030. Twala tamssurt n tasnurayt tamɣribit n taẓḍaṛt tasulant i tamawast n tẓḍaṛt d izuɣaz d uwnaḍ.

Tasnurayt tamɣribit n tẓḍaṛt tasulant

tamssntit, tamssntit, entreprise publique marocaine

Asakud n ussrsl nɣ isllwi	18 Mars 2010
Tamazirt	Lmɣrib
Forme juridique	société anonyme
Siège	Rbat
Asit amaddud	http://www.masen.ma

Timskirin

Timskirin n tasnurayt tamɣribit n taẓḍaṛt tasulant gan tn:

• Asbuɣlu n isukan d tiẓḍaṛin ittusmaynun lli illan ɣ Lmɣrib.
• Abzar d ufṛṛu d usḥdudi d usbuɣlu n yat tussna ɣ tmazirt ɣ yigr n tiẓḍaṛin ittusmaynun.
• Aɛddl idɣarn nna ɣ llan isras n tiẓḍaṛin ittusmaynun d ubzar n tigmi n idɣarn ann ɣ igran n wamun d tadamsa d uwnaḍ.

Tamssugurt

Talgamt n inmhaln lli tn ikkan ɣ yixf n tasnurayt tamɣribit n taẓḍaṛt tasulant:

Anmhal	Isggʷasn
Muṣṭafa Bukri	2010 - Ar ɣassa