Asif n Wansifn

Asif n wansifn^[1] nɣ Asif n isaffn (s taɛrabt : نهر أم الربيع Umm rrabiɛ) iga yan wasif bahra imqqurn ɣ tmazirt n Lmɣrib. Yullid wasif n Wansifn sg idrarn n waṭlaṣ anammas issudu s umnid n umalu allig nn iffi g taman tiɣrmt n Uzmmur, ɣ ugaru (océan) Aṭṭlanṭi. Tiɣzi gis 555 Km, tamkta n waman sgis izrrin ar traḥan ar 117 m3/s, ɣayadd a yudjan asif n wansifn ad ig asif wiss sin g tmazirt n Lmɣrib.


Asif n Wansifen
Asif n Wansifen

Tamazirt :	Lmɣrib
Tifrisin
Taɣzi :	$555Km$
Aktum (débit) :	$117m^{3}/s$
Tajumma n umda (مساحة الحوض) :	$35000Km^{2}$
Uṭṭun n uggugen (عدد السدود) :	Tam (8)
Tamzazt (جريان) :	َAmɣlal (دائم )
Taɣarast
Aɣbalu :	Aṭlaṣ anammas
Asfsi (المصب ):	Azmmur
Tarakalt
Isaffen ns:	gan Sa n isaffen : Asif n Tasawt Asif n Wad lxḍer Asif n Wad lɛbid Asif n Sru Asif n Cbuka Asif n Wawmana Asif Drna
Timizar :	Lmɣrib
Iglmamen nns:	Aglmam n Ḥmad Aḥnṣal, Aglmam n Lmasira
Iɣerman:	Xnifra, Mrirt,Tadla, Acbar n isrɣinen, Azmmur.

Isaffn n Tasawt d Wad lɛbid gan isaffn imqqran dadd i-tt-ffin g wasif n wansifn, ssin itsn uckand sg idrarn n waṭlaṣ amqqran, sg tmnaḍin Infḍwak d Innultan, sɣ tsga n unẓul.

Asif n wansifn yattuy bahra watig nns ɣ umzruy tmazirt n Lmɣrib d umaḍal aqbur, iqqim iga iwtta gr tagldit n Fas d Tagldit Murrukc g uzmz Iwaṭṭasn d Imarinn, allig d ikcm urumi Afranṣawi s Lmɣrib g usggas n 1912. Ig daɣ asif-ad iwtta ingr tiqqbilin n Ccawiyya d Rrḥamna, tili dars daɣ yat tawwri tagjdant g tibḍit tatrart n Murrukc, illa ingr Tasga n Mrrakc-Asfi d tasga n Tigmmi tumlilt-Sttat.

Tiwlafin

Iɣbula
Uggʷug n Aḥmad Lḥanṣali
Asif n Wansifn
Tawada n wasif
Aman g wansifn

Assaɣ

Assaɣ aqqbur igat Wansifn s unamk n wasif n isaffn nɣ asif kullu imqqurn, acku asif ad iga asif kullu ymqqurn g tamnaḍt-ad lli g illa, ayaɣ af as gan s wassaɣ asif amqqran nɣ asif n isaffn, ɣmklli isawl f wassaɣ ad Lyyun Al afriqi g udlis-ns Waṣf ifriqya, adlis ad lli igan yan sg igjda n tussna n Lmɣrib aqqbur d tussna iqqbiln-ns.

G tasut tiss 16 assaɣ ad i-tt-ussnfal s wassaɣ n Umm rrbiɛ, assaɣ ad nna igan assaɣ n yan iɣrm sg iɣrman nna ɣ izray f wasif ad, macc assaɣ n iɣrm ad igat Umm Rabiɛ ɣmklli inna Muḥmmad Al idrisi g udlis nns Nuzzhat Almuctaqq.

Assaɣn yaḍni

Iṭṭaf asif ad kigan n ismawn nɣ wassaɣn yaḍni, zun d :

Asif n isaffn
Umm rrbiɛ
Anatis
Asana
Morbeia
Morbea
Morbia
Oum-er-Rbia

Aglam

Ard i-tt-nbaɛ wasif n wansifn sg idrarn waṭlaṣ anammas, sg taɣzi n $1800m$ f uflla n wakal, aggugn iɣbula ns f tamdint n Xnifra s $40Km$ , aggugn daɣ f iɣrem n Mrirt s $26Km$ .

Asif nnaɣ sg iɣrem n Xnifra ifka yixf nns s umnid n iffus, ilma yekcem s uẓaɣar n Tadla, ilma kcmnd sers isaffn n Tasawt d Wad lxḍer d wasif n Wad lɛbid sg iẓẓelmḍ.