Ayfs

Ayfs (nɣ Tayfst, s tsrɣint : عرعر, s tfransist : Genévrier, assaɣ ussnan : Juniperus) iga yan wanaw n imɣayn (anaw n waddagn) ittzdaɣt g taganin da illan g idrarn zund taganin n idrarn n waṭlas. G tasnmɣayt ,ayfs iḍfuṛ i yat tawja n waddagn g illa uggar n 50 n wanaw n taddagin igan id mṛẓgli (ur ittmtatn) izgzawn bdda.

Ayfs

taxon

Assmrs	épice
Nom scientifique du taxon	Juniperus
Rang taxonomique	Anaw
Taxon supérieur	Cupressoideae
Nom vernaculaire	juniper, Juniperus, 刺柏属, 刺柏属
Synonyme taxinomique	Sabina, Arceuthos
Type taxonomique	Genévrier commun
URL Germplasm Resources Information Network	https://npgsweb.ars-grin.gov/gringlobal/taxonomygenus.aspx?id=6229
PAEnflowered taxon URL	https://www.paenflowered.org/apgii/pinales/cupressaceae/juniperus

Ayfs dars iẓuṛan sg Marikan, Tafriqt, Asya d Uruppa, taddagt ad ar tlkkm g tiddi sg 4 ar 15 mitru, ilin kra n wanawn n wayfs ilkkm ar 25 nɣ 30 mitru.

iẓẓḍaṛ wayfs a ilkm g tudrt ns ar 1 000 n usggas.

Assaɣ

G tmaziɣt, assaɣ ad "Ayfs" iga assaɣ n wanaw n waddagn, ilma ili assaɣ n taddagt (yat taddagt) "Tayfst" :

Taddagt : Tayfst

Anaw n waddagn : Ayfs

Amzruy

Ayfs iga yat taddagt ilan atig dar igrikn d iṛumin iqqburn, ar ssufuɣn zzit sg yan wanaw n wayfs, ar ssrɣan akccuḍ ns arigg sgis tffɣ zzit. Anaw ad n zzit ar sis truccun willi immutn.

G tizikt, middn iqqburn ar skarn sg wayfs Panaṣya (takuct n usafar g tamiṭulujit tagrikt), lbxuṛ ns ar tnqqant tafgga n ufgan, aman ns (maḥya n wayfs) ard ssufuɣn ibẓḍan sg ufgan.

Ar ttini yat tuxrift mas wanna iɣbbin aqqa n wayfs kudd ass ur jju ra iṭṭaḍn.

• 
  Ayfs da sg ad ssufuɣn iṛumin d igrikn zzit

Tasnaẓɣuṛt

Assaɣ ussnan n wayfs "jeniperus" ikkad tutlayt talatint tazaykut (ili wassaɣ ad ula dar iṛumin).

Tiwlafin

• 
  Agummu, ifrawn d ilɣiwn n Wayfs
• 
  Tilɣit imẓẓin n wayfs f ufasi
• 
  Yan wanaw n wayfs
• 
  Taddagt imqqurn n wayfs
• 
  Anaw n wayfs acinwi
• 
  Anaw n wayfs
• 
  Ayfs n ifiniqn
• 
  Ayfs n ifiniqn
• 
  Taddagt n wayfs

Tasnalɣa

Ayfs gis tugt n wanawn n waddagn, kudd anaw dars tasnalɣa ns. Amzaray ingr anaw d wayyaḍ illa g tiddi, tasnalɣa n ifrawn d aklu n ifrawn :

• Tiddi : illa wayfs da igzzuln (tiddi ns tga sg 4 ar 5 mitru), ili wayfs da iɣzzifn (tiddi ns tga sg 25 ar 30 mitru).
• Tasnalɣa n ifrawn : illa wayfs da iskrn ifrawn gan zund isnnan, ili wada m ur gin ifrawn zund isnnan.
• Aklu n ifrawn : illa wayfs mi gan ifrawn izgzawn (azgzaw iqqn), ili wayfs mi gan ifrawn umliln issudan s uzgzaw.

• 
  Tasnalɣa n wayfs
• 
  Tasnalɣa (anawn) n ifrawn n wayfs

Anzwi

Ayfs izzḍaṛ a iddr s imiqq nɣ s tugt n waman, g tmizar ikrmn nɣ tida ur bahra irɣan. S tɣarast yaḍni ayfs izzḍaṛ a izdɣ g tazɣlt illan ingr -45°Silsyus ar 30°Silsyus .

Amawal

• Mṛẓgli : immortel
• Tasnalɣa : morphologie
• Tizikt : antiquité