Ayt Faṣka
Ayt Faṣka niɣ d Iḥfṣiyn gan yan uwank uslim Amaziɣ issugrn ɣ iming n Tfriqt n ugafa, issnti sɣ 1229 d ur imdi ar 1574, talalit n uwank ad rad tili f ufus n Bu Zakarya Iḥya Inti da tt inn ikkan iga amɣar n Imuḥdiyn ɣ tmazirt n Ifriqya, islk Bgayt d Qustantina ɣ usggʷas 1230, iẓẓl daɣ tanbaḍt nns ar Ddzayr, yus Lmuntaṣiṛ rad imurs ad iṛẓ taqṛwaẓt n ugllid Lwis 9, awank nnsn rad iẓẓiḍṛ yan uzmz n thrci d ufnaẓ slawan ɣ wussan n usddurri Amarini gr 1331 d 1349, macc rad daɣ ismun ugllid Bu Lɛbbas Ḥmd adwass n Iḥfṣiyn irar adwass i tmazirt ann n Ifriqya, ɣmkann a rad iɣama waddad ar tasut 15, lliɣ rad tg tgldit nnsn tagmrawt i wazzaɣn n Iṣblyun, tigira n uwank nnsn rad tili f ufus n Iturkiyn, ḍfaṛ yat turfa gr Lbaca Aɛtman n Dzayr d win Ṭṛabluṣ.
.svg)
Aẓuṛ
ssnflDaddas n ayt Faṣka, igllidn n ifriqya, iga t Faṣka u Mẓal Inti, anmɣur n tqbilt n intan illan ɣ udrar n Drn yat ɣ tqbilin n Imẓmudn illan ɣassad ɣ tmnaḍt n Lḥuz tama n Mṛṛakc. Ig ntta s ugayyu nns yan umzwar Amuḥdi d yan ɣ imddukkal kmarnin n Lmhdi u Tumrt.