Bṛahim Lɛsri
Brahim Lɛsri Amaziɣ iga yan amara amaziɣ aclḥiy ar ittara s tutlayt taclḥit. Ilul ɣ Tarrast tama n Ugadir, ig yan ɣ willi sbiddnin amussu amaziɣ ɣ tsdawit n Ugadir (MCA) d wayyaw n tmsmunt Tamaynut ɣ Ugadir d Inzggan. Ikka tt inn ɣ ubiru n tmsmunt n tsdawit n unbdu.
Immatti s Bariz ɣ Fransa, yiws ɣinn ɣ tiddi n umussu amaziɣ, isbidd d imddukkal nns tamsmunt n Azamaziɣ. Yumẓ aḍiplum nns n DEA ɣ tanṭrupulujit tamadant ɣ EHEES. Iga ɣ taymunt n ssit akadimik n mondeberbere.com. Yiws ɣ usnmili n usays amaziɣ Anmuggar ɣ Rradyu Beur FM ɣ Bariz. Isnmala asays n Isaffn n idls ɣ Radio Plus ɣ Ugadir.
Issufɣ d ungaln Ijawwan n tayri d Isḍmal n tmagit d Tamɣra n uccann d Tadla n tullisin Aɛzri n tuẓẓumt d usuɣl n tmzgunt n Moliere Aṭbib mqqar t ur igi d Tadlist n ismawn imaziɣn, nttan d mas Karim Agnaw. Dars tugtt n isnfarn n usnflul (asuɣl, ungal, taskla n wazzann...).[1]