Lmhdi Bn Mbark
Lḥajj Lmhdi Bn Mbark (1936-2024) iga yan Ṛṛayṣ Aclḥi d yan ɣ inmɣuṛn n tẓuṛi nns, ilul d igllin ɣ usggʷas 1936 ɣ tmazirt n wasif n Ayt Waḍil ɣ Iḥaḥan, macc laṣl nns ar d ittiwrri s tmazirt n Ayt baɛmṛan, inkr ɣ yat twnnaḍt n inaẓuṛn acku babas dɣ ntta ikka tt inn iga yan umarir, ifl Lḥajj Lmhdi tisaslin ur ar ttafuḍnin ɣ tllɣat Taclḥit[1], immut igllin ɣ tɣrmt n Wanfa (Kaẓa) ḍfaṛ yan unɣubu ur ttyawssann imntiln nns.
Issufɣ mnnaw imurig ɣllanin zun d: "wa amargi" d "Wa ajddigi" d "Lḥijj ad igan lfṛḍ" d tiyyaḍ da ur rad ittu awd yan ɣ imssiflidn nns, ukan wanna iḍfuṛn amarg nns rad nn yaf is iga lmɛna d lfaydt, amdyaz ad yiwi tt id s yat tɣarast ittyawbnan f usgd, mayann a f yunfi zikk i isuyas n umarg slawan akkʷ lliɣ nn yufa is ur ar akkan atig i imarirn d ur ar srsn ssimɣurn, ifl igr n tẓuṛi ɣ usggʷas n 1978.