Sksu

Iga Sksu yat tirmt zɣ tiram timaziɣin nna nttafa ɣ tmazɣa kullut. Ar bahra ittuyskar ɣ wass wis sḍis n ussan ɣ imalass lli t igan ass n Ljamɛ. Mac ar t ntaffa dar middn yaḍn ur yaggugn f imaziɣn, bahra dar middn n tmizar n tasutlt n yill agrakal zund Ṭalyan, Ṣbanya, Burtuɣal, Fransa...

Ism

Ism ad n Sksu ur bahra imngara dar middn n Tamzɣa, mac graygat yan d masat igmmi^[1]. Aduktur anmzray Muḥmmad Hbida iskr yan uzgal axatar inna gis mas d "ṣaykuk" tkka d tfṛanṣiṣt (C'est aux Coqs). Aya acku ur tt yufi ɣ imawaln n tɛṛabt, ittu nɣ d -iskr is ittu- mas tlla yat tutlayt tanṣliyt ɣ tmizar n tfriqt n ugafa ism nns tamaziɣt.^[2]

Mlad is nn yugga unmzray ad imawaln n tmaziɣt, nɣ ka isaqsa imnnzgmn s tutlayt ad, rad issn mas d "ṣaykuk" -ig nssn mas d askkil yaẓ (ẓ) innfl s yaṣ (ṣ) nɣ yas (s) ɣ tmaziɣt, s umdya: aẓṭṭa -> aṣṭṭa, (ta)ẓṭṭat -> (ta)sṭṭat- iga uẓuṛ nns amaziɣ, tg yan zɣ wanawn n sksu.

Imik n umzruy

Ar ttinin Sksu ur dikka abla dar imaziɣn art skarn gaygat tusutin n dunit. Lucie Bolens masd imaziɣ ar skarn sksu z tusut 238 à 149 (nurta ylla saydna εisa) (Bulens, 1989, t. 61). ar tukan sul skarn s ɣilad ulla dar willi disn mḥadanin ɣ irumiyn.

Ɣayli say tuyskar

Tagdurt niɣd tikint d tasksut ns

An ur nitti anzr manik sa ittuyskar sksu s tfiyi iqqourn ulla lqddid, trmtad tra:

Tifiyi nlqddid,
D sksu n tmzin niɣ irdn,
Xizzu,
Taxsayt,
Batata,
Matica,
Azalim,
Tirkmin iɣllant,
Lqzbur,
Imik nwargan iɣ illa,
Iɣ urilla zit n zaytun
Imik lkmun ,
Imik lbzar,
Imik n tisnt,
Imik ntḥmira niɣ zεfran.

Inawn n sksu

Sksu s lkdid
Sksu su ufullus
Sksu s tifiyi uwfunas
Sksu s islman qurnin
Sksu s 07 imndan
Sksu s igumma

Inawn yadni

Abrkuks : sksu mu izur waqqa nns.
Aḥlḥul : sksu mu tdrus tɣara nns.
Abaddaz : sksu ittuskirn ɣ uggrn n usngar.
Ablbul : sksu ittuskirn ɣ uggrn n tmẓin.
Aẓikuk : sksu iswan s uɣu indan.
Tissi : sksu iswan s ukfay irɣan.
Tismmit, asgl : sksu izzɣrn s wudi.
Abraraz, abayrar : sksu mu tfulki tɣara nns.

Ẓṛ uggar

Abaddaz

Isaɣuln

https://orbinah.blog4ever.com/en-arabe-etymologie-du-mot-berbere-sksu-kouskous

↑ Cf . Dallet 1982, t. 709, Destaing 1938, niɣd Lawust 1920, t. 78, ar immla mnaw inwaln li sa ituynna sksu
↑ Asit n u-tjarmunt - ⴰⵏⴰⵡⵏ ⵏ ⵙⴽⵙⵓ Yura tt : Lḥsn Zahur

Ilikitn n brra

( ar ) Udyu isawaln f sksu.. tirmt d tmagit, tawalt (Alink)

[1] Cf . Dallet 1982, t. 709, Destaing 1938, niɣd Lawust 1920, t. 78, ar immla mnaw inwaln li sa ituynna sksu

[2] Asit n u-tjarmunt - ⴰⵏⴰⵡⵏ ⵏ ⵙⴽⵙⵓ Yura tt : Lḥsn Zahur

[1]

[2]