Taltmsn (Isagn)

douar
Ism amaddud	ⵜⴰⵍⵜⵎⵙⵏ
Tamazirt	Lmɣrib
Asdɣr amssugur	Isaggn (Ayt Ṣwab)
Agmmaḍ akudan	UTC±00:00, UTC+01:00
Ismlan ijɣrafiyn	29°50′23″N 9°2′46″O

Taltmsn Isaggn iga yan uḍwar asusi itabɛan i taqbilt n Isaggn Ayt Ṣwab. Illa uḍwar ad ɣ ammas n idrarn n waṭlas mẓẓin ɣ udrar n Lkst ɣ tmnaḍt n Actukn-Ayt Baha ɣ tsga n Sus-Massa ɣ tmazirt n Lmɣrib.

Ar ittini usiḍn lli ittyuskar ɣ usggʷas n 2004 mas uḍwar ad zdɣn gis tqriban kra n 55 umzdaɣ d 14 n tawjiwin^[1].

Tarakalt

Tlla taltmsn ɣ tgrawt n Awgnz, ɣ tmnaḍt n Ctuka-Ayt Baha, tasga n Sus-Massa, ɣ tmazirt n Lmɣrib, taggug s 120 km f tmdint n Agadir ɣ iffus d s 50 km ɣ izzlmḍ n tmdint n Tfrawt.

Imzdaɣ

Ɣ tuẓẓumt n twlaft, ar as ttinin Lmdrst. Tkka tt inn tga tigmmi n Lqayd Lmadani ɣ uzmz n usdurri afransawi, skrn gis tinml ɣ 1954. Ɣil ad tga ɣar ixʷrban

Tugt n imzdaɣ n Taltmsn ar tmuddun s timdinin mqqurnin n tmazirt n Lmɣrib. Llan ɣ Ugadir, Mrrakc, Tigmmi tumlilt, Rrbaṭ, Lqnḍṛt..., llan akkʷ ma gisn izugn s brra slawann akkʷ Fransa d Marikan.

Adwar ad ar ittxwu ɣ tgrst. Mac ar ittɛmmar ɣ unbdu slawann akkʷ iɣ illa kra n lmɛruf

Tifugliwin

Bla ad nbdr tfugliwin tinamurin d tin ddin, da ttḥtafaln Ayt Taltmsn s kigan n tfugliwin yaḍnin zun d ukan :

Idrnan

Yan wanaw n uɣrum gis tammnt d amlu. Idrnan ad ar sis ttḥtafaln snat twal ɣ usggʷas, ass n lxmis amzwaru n fibrayr d win mars. Tafugla ad ar gis ittili kraḍ wussan ; ku yan d limkanyat nns d aylli mi iẓḍaṛ ar isbrrak d ar thalla ɣ tazzanin d inbgiwn d iqqbiln.

Assifd

Fad ad nnurzn yan usggʷas anflaḥ iɣudan, iɛrrimn n udwar ar tmttaln kra n tmɣra nna ɣ ar skarn ɣ kra n ddumya tislit nna d ttasin ɣ kra n lɛmmarya ḥaqqan d ar ttirirn d hḍrn ar d lkmn s uḍar n yan udrar nna ɣ t gis srasn ɣ yan ifri d kra n tɣawsiwin zun d tknarit iqqurn, d lluz, d alim. Ilmma ar taḍun s lmuḍɛ n udwar nna ɣ tkmmaln lhḍrt nnsn

Isswabn

Yan wanaw n tfugla nna ɣ lssan middn ihdumn igan fckl; ar sduqqurn f tgmma d ar ttxtaraɛn kra n lqisas issḍṣan fad ad skcmn tumrt ɣ middn n udwar.

Lmɛarif

Tirmt tamgrut s umata ar tgga sksu d kra n tfiyya ɣ usklu n yan Uxrrub imqqurn nɣ d tama n tmzgid nɣ d akkʷ dar usmḍl n ugrram Sidi Mussu Brahim lli illan ɣ wafa n yan izig ar as ttinin Cciɣ.

Lmɛruf n tiyigiwin tamatart n tigira n twuri,
Lmâarouf n ddu tkida fad ad ttḥtafaln s ixf usggʷas anflaḥ,
Lmâarouf n Sidi Mussu Brahim, Ar sis ttḥtafaln imzdaɣ n udwar ad, d Ayt Tagḍict, d Ayt Ibnnawn, d Ayt Imi n Tɣzut ɣ imalas wis kraḍ n wayyur n ɣuct.

Isaɣuln

↑ ( fr + ar ) Asiḍn n n imzdaɣn n Lmɣrib ɣ usggas n 2004 ( PDF ) - Tasmirit tamattayt n usɣiws.

Awgnz
Anḍrif	Taknza · Agadir Axrraz · Awtil · Tamrnut · Ayt Ḥmad u Sɛid · Anfik · Ulbn · Tiwrar · Tinzkur · Afa Ugṛḍ · Asɣrgis · Ifulan · Ayt Sliman · Iflḥas · Ayt Ɛli u Dawd · Tunḍat · Aẓur n Butwala · Tamjict
Ayt Ɛin	Ayt Mus u Ɛbdṛṛḥman · Tifɣlan · Tagadirt · Lḥlt · Anadlu · Taknza Umzil · Ayt Hmmu u Musa · Twudm · Awrir Ubɛuḍ · Awli · Tawrirt · Lxmis · Iɣil · Taddart
Isagn	Anzgarn · Lazal · Iɣir Islgan · Untud · Turuf · Iɣil Iblaɣn · Agṛḍ Uẓṛu · Agni · Allyun · Agṛḍ Alma · Imi Undrat · Tidnɣi Undrat · Mrgn · Tawrirt Imrkn · Iɣir Ifr · Tiqqi · Maɣust · Anammr · Tifrt · Idls · Taltmsn · Ibnnawn · Tagḍict · Imi n Tɣzut · Alma · Ayt Naṣṛ
Azur Iɣaln	Agni Inzgarn · Imzi · Tililut · Agṛḍ n Ɛmr · Taẓkka · Fudɣar · Injjarn · Awgnz · Tizi · Ayt Mus · Tizi Uzmmur · Ayt Msɛud · Agʷlmim · Buwallil · Tamza · Turact · Asul · Igr Usul · Ayt Ɛmr · Anammr Ulgṭin · Asay Ulgṭin · Tafuhamt · Ayt Hmmu u Ɛli · Ayt Ɛli u Ɛli · Tafdalt · Tagḍict · Anlaxt · Tawdant · Ayt Dawd · Ifrḍ Inzgarn
Takuct	Aflla n Tkuct · Tlat n Zḍin · Tzukan · Tiɣmrt · Ayt Ṭalb u Ɛbdllah · Tasqimut · Ayt Anjjar · Tiɣalin · Idɣarn · Amkrɣitn · Imucciwn · Taknit

	Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.

[1] ( fr + ar ) Asiḍn n n imzdaɣn n Lmɣrib ɣ usggas n 2004 ( PDF ) - Tasmirit tamattayt n usɣiws.

[1]