Tutlayt Tawilant
Tutlayt tawilant (ism adɣaran: Jlan n Awilen, tawilant nɣ Tawjilit[1][2]) tga yat tutlayt tamaziɣt nna illan ɣ imizi n unɣubu[3], tg zɣ tutlayin timaziɣin tigmuḍanin ittyusawaln ɣ tɣla n Awjila ɣ Brqa ɣ Libya[4].
| Sous-classe de | Tutlayin timaziɣin tigmuḍanin  |
|---|---|
| Tamazirt | Libya |
| Autochtone de | Al Wahat |
| Statut UNESCO d'une langue | 4 sérieusement en danger |
| Statut de langue Ethnologue | 8a moribond |
Umlan Imatayn
ssnflTawilant tga agmam ɣ tṣṭṭat tamaziɣt n twja tafṛusyawit n tlutlayin, g tdurabbut n tutlayin timaziɣin tigmuḍanin. Taẓ ɣ mnnawt tɣawsiwin i tɣdimsit mqqar tettyussiḍn is tlla ɣ imizi n unɣubu uggar s usutg n 2,000 ar 3,000[5] n imsiwln nna d iɣaman. YUNISKU (UNESCO) ar tettini mas d tutlayt ad taẓ bahra i inɣubu acku imsiwln akkʷ imẓẓiyn zrin awtay n wammas (45-65 n usggʷas).[4]
Zrint tutlayin timaziɣin g Libya ddu tɣllabit ɣ uzmz n unbaḍ n Muɛmmaṛ Lgddafi, aylli yad inɣan mnnawt tmzarayin zun d tin Sukna irar tiyyaḍ ɣ imizi n unɣubu (zun d Tawilant d Tɣadamist). Igdl Lgddafi assmrs n tutlayin timaziɣin, inakṛ akkʷ ili n imaziɣn lliɣ inna « Ar aqqrayat i yixfawn nnun s aynna tram ɣ tgʷmma-nnun -Imaziɣn, Tarwa n cciṭan, ur ss mit- macc ha nn tgam ɣar ilibiyn kud nna tffɣm tigʷmma nnun ».[6] Ddu unbaḍ nns kigan n imɣnasn f izrfan n ufgan (kcmn gisn imsnilsn zɣ tmizar yaḍn), aylli igan tamntilt n usar n umlan imaynutn f tutlayin timaziɣin g Libya d tdrusi n mad fllas ittyuran, mqqar s tɛṛabt, ɣ lantirnit.
Isaɣuln
ssnfl- ↑ Linguasfera: Tamazic (Berber)(catalan) Llengües, Literatures i Cultures del Món, [LLCM], Retrieved the 27 October 2015
- ↑ Berbers willen geen Arabieren meer zijn(unimportant parts in dutch), maroc.nl, Retrieved the 27 October 2015
- ↑ Jlan n Awilen at Ethnologue (18th ed., 2015)
- ↑ 4,0 et 4,1 UNESCO "Libya: UNESCO-CI." Libya: UNESCO-CI. UNESCO, n.d. Web. 11 May 2015.
- ↑ Brenzinger, Matthias. "Language endangerment in northern Africa." Language diversity endangered 181 (2007): 123.
- ↑ https://web.archive.org/web/20210726210732/https://muftah.org/denied-existence-libyan-berbers-under-gaddafi-and-hope-for-the-current-revolution/#.VVA-EflViko Solieman, Ishrah. "Denied Existence: Libyan-Berbers under Gaddafi and Hope for the Current Revolution." Muftah. N.p., 24 Mar. 2011. Web. 11 May 2015.