Tutlayin timaziɣin n waṭlas

Tutlayin timaziɣin n waṭlas Tamaziɣt n Waṭlas Abṭṭu arakal Idrarn n Waṭlas, Sus Addag Tafrusyawit   • Tamaziɣt     • Tamaziɣt n ugafa       •Tamaziɣt n Waṭlas Tantalayin • Taclḥit • Aṭlas anammas • Taṣnhajit n Srayr • Taɣumarit • Ɣarbi Agmmay Tifinaɣ, Alatin, Aɛrab Glottolog atla1275       Idɣarn nna ɣ tettusawal tamaziɣt n Waṭlas

Tutlayin timaziɣin n waṭlas gant yat tawja n tutlayin timaziɣin n ugafa. Tutlayin ad llan ɣ idrarn n waṭlas ɣ Lmɣrib.

Iɣ nsawl f tmaziɣt n waṭlas ad st ur tsmrkasm d tmaziɣt n waṭlas anammas; tamaziɣt n waṭlas tamu gis ula tclḥit d tmaziɣt n Usammer. Ittuga-as yism ad acku tlla ɣ idrarn n waṭlas s kraḍ; anammas d way mẓẓiyn d way mqqurn d izuɣar d tnzrufin illan gratsn d tama nnsn.

Tamaziɣt n waṭlas tga yan yiẓli zɣ tutlayt tamaziɣt n ugafa, d rad tg yat zɣ trsal n tmaziɣt ad. Tamaziɣt n waṭlas tumẓ zɣ Ṣfru ɣ ugafa ar Agʷlmim ɣ unẓul, s ɣmka, tumẓ yat tjumma tasknakalt imqqurn d da sis isawal yan wuṭṭun imqqurn n imaziɣn, ar t-nttḍkaḍ s wattayn n 10 n imlyunen.

Tutlayin timaziɣin n waṭlas gant:

• Tamaziɣt n waṭlas anammas, tlla-nn ɣ idrarn n waṭlas anammas.
• Taclḥit, tlla-nn ɣ iffus n Lmɣrib.
• Taznagt n Srayr, tlla-nn taman Rrif ɣ iffus nns.
• Taɣumarit, tlla-nn ɣ ugafa n Jbala.
• Ɣarbi, awal ad immut, ikka-tt-inn ɣ Tamsna, tasga lli mu tinin ɣila Tigmmi tumlilt d Rrbat d nawaḥi nnsn.

Addag n tutlayt

──o Tafrusyawit 
  ├─o Proto-Tamaziɣt 1 (-7000)
    └─o Proto-Tamaziɣt 2 (-2000)
      ├─o Tamaziɣt n ugafa
        └──o Tamaziɣt n waṭlas
           └──o Taclḥit
           └──o Tamaziɣt n waṭlas anammas
           └──o Taznagt n Srayer
           └──o Taɣumarit

Ilikitn n brra

• ( fr ) Tutlayin n waṭlas ɣ ammas n usit n ethnologue.com
• ( shi - tzm ) Tasna ittaran s tmaziɣt n waṭlas ɣ ammas n facebook : Tamaziɣt n utaram